| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༧. ཨཏྟབྱཱབཱདྷསུཏྟཾ
7. Attabyābādhasuttaṃ
༡༧. ‘‘ཏཡོམེ, བྷིཀྑཝེ, དྷམྨཱ ཨཏྟབྱཱབཱདྷཱཡཔི སཾཝཏྟནྟི, པརབྱཱབཱདྷཱཡཔི སཾཝཏྟནྟི, ཨུབྷཡབྱཱབཱདྷཱཡཔི སཾཝཏྟནྟི། ཀཏམེ ཏཡོ? ཀཱཡདུཙྩརིཏཾ, ཝཙཱིདུཙྩརིཏཾ, མནོདུཙྩརིཏཾ། ཨིམེ ཁོ, བྷིཀྑཝེ, ཏཡོ དྷམྨཱ ཨཏྟབྱཱབཱདྷཱཡཔི སཾཝཏྟནྟི, པརབྱཱབཱདྷཱཡཔི སཾཝཏྟནྟི, ཨུབྷཡབྱཱབཱདྷཱཡཔི སཾཝཏྟནྟི།
17. ‘‘Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti.
‘‘ཏཡོམེ, བྷིཀྑཝེ, དྷམྨཱ ནེཝཏྟབྱཱབཱདྷཱཡཔི སཾཝཏྟནྟི, ན པརབྱཱབཱདྷཱཡཔི སཾཝཏྟནྟི, ན ཨུབྷཡབྱཱབཱདྷཱཡཔི སཾཝཏྟནྟི། ཀཏམེ ཏཡོ? ཀཱཡསུཙརིཏཾ, ཝཙཱིསུཙརིཏཾ, མནོསུཙརིཏཾ། ཨིམེ ཁོ, བྷིཀྑཝེ, ཏཡོ དྷམྨཱ ནེཝཏྟབྱཱབཱདྷཱཡཔི སཾཝཏྟནྟི, ན པརབྱཱབཱདྷཱཡཔི སཾཝཏྟནྟི, ན ཨུབྷཡབྱཱབཱདྷཱཡཔི སཾཝཏྟནྟཱི’’ཏི། སཏྟམཾ།
‘‘Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. Katame tayo? Kāyasucaritaṃ, vacīsucaritaṃ, manosucaritaṃ. Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧. ཨཏྟབྱཱབཱདྷསུཏྟཝཎྞནཱ • 7. Attabyābādhasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧. ཨཏྟབྱཱབཱདྷསུཏྟཝཎྞནཱ • 7. Attabyābādhasuttavaṇṇanā
