| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
অতিরেকচীৰরাদিকথা
Atirekacīvarādikathā
৩৪৮. অগ্গল়ং অচ্ছুপেয্যন্তি ছিদ্দট্ঠানে পিলোতিকখণ্ডং লগ্গাপেয্যং। অহতকপ্পানন্তি একৰারং ধোতানং। উতুদ্ধটানন্তি উতুতো দীঘকালতো উদ্ধটানং হতৰত্থকানং, পিলোতিকানন্তি ৰুত্তং হোতি। পাপণিকেতি অন্তরাপণতো পতিতপিলোতিকচীৰরে। উস্সাহো করণীযোতি পরিযেসনা কাতব্বা। পরিচ্ছেদো পনেত্থ নত্থি, পট্টসতম্পি ৰট্টতি। সব্বমিদং সাদিযন্তস্স ভিক্খুনো ৰসেন ৰুত্তং। অগ্গল়ং তুন্নন্তি এত্থ উদ্ধরিত্ৰা অল্লীযাপনখণ্ডং অগ্গল়ং, সুত্তেন সংসিব্বিতং তুন্নং; ৰট্টেত্ৰা করণং ওৰট্টিকং । কণ্ডুসকং ৰুচ্চতি মুদ্দিকা। দল়্হীকম্মন্তি অনুদ্ধরিত্ৰাৰ উপস্সযং কত্ৰা অল্লীযাপনকং ৰত্থখণ্ডং।
348.Aggaḷaṃ acchupeyyanti chiddaṭṭhāne pilotikakhaṇḍaṃ laggāpeyyaṃ. Ahatakappānanti ekavāraṃ dhotānaṃ. Utuddhaṭānanti ututo dīghakālato uddhaṭānaṃ hatavatthakānaṃ, pilotikānanti vuttaṃ hoti. Pāpaṇiketi antarāpaṇato patitapilotikacīvare. Ussāho karaṇīyoti pariyesanā kātabbā. Paricchedo panettha natthi, paṭṭasatampi vaṭṭati. Sabbamidaṃ sādiyantassa bhikkhuno vasena vuttaṃ. Aggaḷaṃ tunnanti ettha uddharitvā allīyāpanakhaṇḍaṃ aggaḷaṃ, suttena saṃsibbitaṃ tunnaṃ; vaṭṭetvā karaṇaṃ ovaṭṭikaṃ. Kaṇḍusakaṃ vuccati muddikā. Daḷhīkammanti anuddharitvāva upassayaṃ katvā allīyāpanakaṃ vatthakhaṇḍaṃ.
৩৪৯-৩৫১. ৰিসাখাৰত্থু উত্তানত্থং। ততো পরং পুব্বে ৰিনিচ্ছিতমেৰ। সোৰগ্গিকন্তি সগ্গপ্পত্তহেতুকং। তেনেৰাহ ‘‘সোৰগ্গিক’’ন্তি । সোকং অপনেতীতি সোকনুদং। অনামযাতি অরোগা। সগ্গম্হি কাযম্হীতি সগ্গোপপন্না।
349-351. Visākhāvatthu uttānatthaṃ. Tato paraṃ pubbe vinicchitameva. Sovaggikanti saggappattahetukaṃ. Tenevāha ‘‘sovaggika’’nti . Sokaṃ apanetīti sokanudaṃ. Anāmayāti arogā. Saggamhi kāyamhīti saggopapannā.
৩৫৩. পুথুজ্জনা কামেসু ৰীতরাগাতি ঝানলাভিনো।
353.Puthujjanā kāmesu vītarāgāti jhānalābhino.
৩৫৬. সন্দিট্ঠোতি দিট্ঠমত্তকমিত্তো। সম্ভত্তোতি একসম্ভোগো দল়্হমিত্তো। আলপিতোতি ‘‘মম সন্তকং যং ইচ্ছেয্যাসি, তং গণ্হাহী’’তি এৰং ৰুত্তো। এতেসু তীসু অঞ্ঞতরনামেন সদ্ধিং জীৰতি, গহিতে অত্তমনো হোতীতি ইমেহি গহিতৰিস্সাসো রুহতি।
356.Sandiṭṭhoti diṭṭhamattakamitto. Sambhattoti ekasambhogo daḷhamitto. Ālapitoti ‘‘mama santakaṃ yaṃ iccheyyāsi, taṃ gaṇhāhī’’ti evaṃ vutto. Etesu tīsu aññataranāmena saddhiṃ jīvati, gahite attamano hotīti imehi gahitavissāso ruhati.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২১৮. অতিরেকচীৰরকথা • 218. Atirekacīvarakathā
২১৯. ৰিসাখাৰত্থু • 219. Visākhāvatthu
২২০. নিসীদনাদিঅনুজাননা • 220. Nisīdanādianujānanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
অতিরেকচীৰরাদিকথাৰণ্ণনা • Atirekacīvarādikathāvaṇṇanā
ৰিসাখাৰত্থুকথাৰণ্ণনা • Visākhāvatthukathāvaṇṇanā
নিসীদনাদিঅনুজাননকথাৰণ্ণনা • Nisīdanādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / নিসীদনাদিঅনুজাননকথাৰণ্ণনা • Nisīdanādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / চীৰররজনকথাদিৰণ্ণনা • Cīvararajanakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২১৮. অতিরেকচীৰরাদিকথা • 218. Atirekacīvarādikathā
