| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੭. ਆਤਾਪੀਸੁਤ੍ਤਂ
7. Ātāpīsuttaṃ
੩੪. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
34. Vuttañhetaṃ bhagavatā, vuttamarahatāti me sutaṃ –
‘‘ਅਨਾਤਾਪੀ, ਭਿਕ੍ਖવੇ, ਭਿਕ੍ਖੁ ਅਨੋਤ੍ਤਾਪੀ 1 ਅਭਬ੍ਬੋ ਸਮ੍ਬੋਧਾਯ, ਅਭਬ੍ਬੋ ਨਿਬ੍ਬਾਨਾਯ, ਅਭਬ੍ਬੋ ਅਨੁਤ੍ਤਰਸ੍ਸ ਯੋਗਕ੍ਖੇਮਸ੍ਸ ਅਧਿਗਮਾਯ। ਆਤਾਪੀ ਚ ਖੋ, ਭਿਕ੍ਖવੇ, ਭਿਕ੍ਖੁ ਓਤ੍ਤਾਪੀ 2 ਭਬ੍ਬੋ ਸਮ੍ਬੋਧਾਯ, ਭਬ੍ਬੋ ਨਿਬ੍ਬਾਨਾਯ, ਭਬ੍ਬੋ ਅਨੁਤ੍ਤਰਸ੍ਸ ਯੋਗਕ੍ਖੇਮਸ੍ਸ ਅਧਿਗਮਾਯਾ’’ਤਿ। ਏਤਮਤ੍ਥਂ ਭਗવਾ ਅવੋਚ । ਤਤ੍ਥੇਤਂ ਇਤਿ વੁਚ੍ਚਤਿ –
‘‘Anātāpī, bhikkhave, bhikkhu anottāpī 3 abhabbo sambodhāya, abhabbo nibbānāya, abhabbo anuttarassa yogakkhemassa adhigamāya. Ātāpī ca kho, bhikkhave, bhikkhu ottāpī 4 bhabbo sambodhāya, bhabbo nibbānāya, bhabbo anuttarassa yogakkhemassa adhigamāyā’’ti. Etamatthaṃ bhagavā avoca . Tatthetaṃ iti vuccati –
‘‘ਅਨਾਤਾਪੀ ਅਨੋਤ੍ਤਾਪੀ, ਕੁਸੀਤੋ ਹੀਨવੀਰਿਯੋ।
‘‘Anātāpī anottāpī, kusīto hīnavīriyo;
ਯੋ ਥੀਨਮਿਦ੍ਧਬਹੁਲੋ, ਅਹਿਰੀਕੋ ਅਨਾਦਰੋ।
Yo thīnamiddhabahulo, ahirīko anādaro;
ਅਭਬ੍ਬੋ ਤਾਦਿਸੋ ਭਿਕ੍ਖੁ, ਫੁਟ੍ਠੁਂ ਸਮ੍ਬੋਧਿਮੁਤ੍ਤਮਂ॥
Abhabbo tādiso bhikkhu, phuṭṭhuṃ sambodhimuttamaṃ.
‘‘ਯੋ ਚ ਸਤਿਮਾ ਨਿਪਕੋ ਝਾਯੀ, ਆਤਾਪੀ ਓਤ੍ਤਾਪੀ ਚ ਅਪ੍ਪਮਤ੍ਤੋ।
‘‘Yo ca satimā nipako jhāyī, ātāpī ottāpī ca appamatto;
ਸਂਯੋਜਨਂ ਜਾਤਿਜਰਾਯ ਛੇਤ੍વਾ, ਇਧੇવ ਸਮ੍ਬੋਧਿਮਨੁਤ੍ਤਰਂ ਫੁਸੇ’’ਤਿ॥
Saṃyojanaṃ jātijarāya chetvā, idheva sambodhimanuttaraṃ phuse’’ti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਸਤ੍ਤਮਂ।
Ayampi attho vutto bhagavatā, iti me sutanti. Sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੭. ਆਤਾਪੀਸੁਤ੍ਤવਣ੍ਣਨਾ • 7. Ātāpīsuttavaṇṇanā
