| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༣. ཨསུརིནྡཀསུཏྟཝཎྞནཱ
3. Asurindakasuttavaṇṇanā
༡༨༩. ཏེནེཝཱཏི བྷཱཏུཔབྦཛིཏེནེཝ། ཨསྶེཝཱཏི ཏིཏིཀྑསྶ། ‘‘ཏཾ ཛཡཾ ཧོཏཱི’’ཏི ལིངྒཝིཔལླཱསཝསེན ཝུཏྟནྟི ཨཱཧ ‘‘སོ ཛཡོ ཧོཏཱི’’ཏི, དུཛྫཡཾ ཀོདྷཾ ཏིཏིཀྑཱཡ ཛིནནྟསྶཱཏི ཨདྷིཔྤཱཡོ། ཡསྨཱ ཏིཏིཀྑཱདཡོ ན ཀོདྷཝསིཀཾ དྷུརཾ, ཏཾ པན བཱལཱནཾ མཉྙནཱམཏྟནྟི ཨིདྷ ཨིམམཏྠཾ ཝིབྷཱཝེཏུཾ ‘‘ཀཏམསྶཱ’’ཏིཨཱདི ཝུཏྟཾ། ཝིཛཱནཏོཝ ཛཡོ ན ཨཝིཛཱནཏོ ཏིཏིཀྑཱཡ ཨབྷཱཝཏོ། ན ཧི ཨཝིཛཱནནྟོ ཨནྡྷབཱལོ ཀོདྷཾ ཝིཛེཏུཾ སཀྐོཏི། ཀེཝལཾ ཛཡཾ མཉྙཏི ཀིལེསེཧི པརཱཛིཏོ སམཱནོཔཱིཏི ཨདྷིཔྤཱཡོ།
189.Tenevāti bhātupabbajiteneva. Assevāti titikkhassa. ‘‘Taṃ jayaṃ hotī’’ti liṅgavipallāsavasena vuttanti āha ‘‘so jayo hotī’’ti, dujjayaṃ kodhaṃ titikkhāya jinantassāti adhippāyo. Yasmā titikkhādayo na kodhavasikaṃ dhuraṃ, taṃ pana bālānaṃ maññanāmattanti idha imamatthaṃ vibhāvetuṃ ‘‘katamassā’’tiādi vuttaṃ. Vijānatova jayo na avijānato titikkhāya abhāvato. Na hi avijānanto andhabālo kodhaṃ vijetuṃ sakkoti. Kevalaṃ jayaṃ maññati kilesehi parājito samānopīti adhippāyo.
ཨསུརིནྡཀསུཏྟཝཎྞནཱ ནིཊྛིཏཱ།
Asurindakasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. ཨསུརིནྡཀསུཏྟཾ • 3. Asurindakasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. ཨསུརིནྡཀསུཏྟཝཎྞནཱ • 3. Asurindakasuttavaṇṇanā
