| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੧. ਅਸ੍ਸਾਸਪਸ੍ਸਾਸਨਿਰੋਧਪਞ੍ਹੋ
11. Assāsapassāsanirodhapañho
੧੧. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਤੁਮ੍ਹੇ ਏવਂ ਭਣਥ ‘ਸਕ੍ਕਾ ਅਸ੍ਸਾਸਪਸ੍ਸਾਸੇ ਨਿਰੋਧੇਤੁ’’’ਨ੍ਤਿ? ‘‘ਆਮ, ਮਹਾਰਾਜ, ਸਕ੍ਕਾ ਅਸ੍ਸਾਸਪਸ੍ਸਾਸੇ ਨਿਰੋਧੇਤੁ’’ਨ੍ਤਿ। ‘‘ਕਥਂ, ਭਨ੍ਤੇ ਨਾਗਸੇਨ, ਸਕ੍ਕਾ ਅਸ੍ਸਾਸਪਸ੍ਸਾਸੇ ਨਿਰੋਧੇਤੁ’’ਨ੍ਤਿ। ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਸੁਤਪੁਬ੍ਬੋ ਤੇ ਕੋਚਿ ਕਾਕਚ੍ਛਮਾਨੋ’’ਤਿ। ‘‘ਆਮ, ਭਨ੍ਤੇ, ਸੁਤਪੁਬ੍ਬੋ’’ਤਿ। ‘‘ਕਿਂ ਨੁ ਖੋ, ਮਹਾਰਾਜ, ਸੋ ਸਦ੍ਦੋ ਕਾਯੇ ਨਮਿਤੇ વਿਰਮੇਯ੍ਯਾ’’ਤਿ। ‘‘ਆਮ, ਭਨ੍ਤੇ, વਿਰਮੇਯ੍ਯਾ’’ਤਿ। ‘‘ਸੋ ਹਿ ਨਾਮ, ਮਹਾਰਾਜ, ਸਦ੍ਦੋ ਅਭਾવਿਤਕਾਯਸ੍ਸ ਅਭਾવਿਤਸੀਲਸ੍ਸ ਅਭਾવਿਤਚਿਤ੍ਤਸ੍ਸ ਅਭਾવਿਤਪਞ੍ਞਸ੍ਸ ਕਾਯੇ ਨਮਿਤੇ વਿਰਮਿਸ੍ਸਤਿ, ਕਿਂ ਪਨ ਭਾવਿਤਕਾਯਸ੍ਸ ਭਾવਿਤਸੀਲਸ੍ਸ ਭਾવਿਤਚਿਤ੍ਤਸ੍ਸ ਭਾવਿਤਪਞ੍ਞਸ੍ਸ ਚਤੁਤ੍ਥਜ੍ਝਾਨਂ ਸਮਾਪਨ੍ਨਸ੍ਸ ਅਸ੍ਸਾਸਪਸ੍ਸਾਸਾ ਨ ਨਿਰੁਜ੍ਝਿਸ੍ਸਨ੍ਤੀ’’ਤਿ।
11. Rājā āha ‘‘bhante nāgasena, tumhe evaṃ bhaṇatha ‘sakkā assāsapassāse nirodhetu’’’nti? ‘‘Āma, mahārāja, sakkā assāsapassāse nirodhetu’’nti. ‘‘Kathaṃ, bhante nāgasena, sakkā assāsapassāse nirodhetu’’nti. ‘‘Taṃ kiṃ maññasi, mahārāja, sutapubbo te koci kākacchamāno’’ti. ‘‘Āma, bhante, sutapubbo’’ti. ‘‘Kiṃ nu kho, mahārāja, so saddo kāye namite virameyyā’’ti. ‘‘Āma, bhante, virameyyā’’ti. ‘‘So hi nāma, mahārāja, saddo abhāvitakāyassa abhāvitasīlassa abhāvitacittassa abhāvitapaññassa kāye namite viramissati, kiṃ pana bhāvitakāyassa bhāvitasīlassa bhāvitacittassa bhāvitapaññassa catutthajjhānaṃ samāpannassa assāsapassāsā na nirujjhissantī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਅਸ੍ਸਾਸਪਸ੍ਸਾਸਨਿਰੋਧਪਞ੍ਹੋ ਏਕਾਦਸਮੋ।
Assāsapassāsanirodhapañho ekādasamo.
