| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၆. အသိဗန္ဓကပုတ္တသုတ္တဝဏ္ဏနာ
6. Asibandhakaputtasuttavaṇṇanā
၃၅၈. ဆဋ္ဌေ ပစ္ဆာဘူမကာတိ ပစ္ဆာဘူမိဝာသိနော။ ကာမဏ္ဍလုကာတိ သကမဏ္ဍလုနော။ သေဝာလမာလိကာတိ ပာတောဝ ဥဒကတော သေဝာလဉ္စေဝ ဥပ္ပလာဒီနိ စ ဂဟေတ္ဝာ ဥဒကသုဒ္ဓိကဘာဝဇာနနတ္ထာယ မာလံ ကတ္ဝာ ပိဠန္ဓနကာ။ ဥဒကောရောဟကာတိ သာယံပာတံ ဥဒကံ ဩရောဟနကာ။ ဥယ္ယာပေန္တီတိ ဥပရိ ယာပေန္တိ။ သညာပေန္တီတိ သမ္မာ ဉာပေန္တိ။ သဂ္ဂံ နာမ ဩက္ကာမေန္တီတိ ပရိဝာရေတ္ဝာ ဌိတာ ‘‘ဂစ္ဆ, ဘော, ဗ္ရဟ္မလောကံ, ဂစ္ဆ, ဘော, ဗ္ရဟ္မလောက’’န္တိ ဝဒန္တာ သဂ္ဂံ ပဝေသေန္တိ။ အနုပရိသက္ကေယ္ယာတိ အနုပရိဂစ္ဆေယ္ယ။ ဥမ္မုဇ္ဇာတိ ဥမ္မုဇ္ဇ ဥဋ္ဌဟ။ ထလမုပ္လဝာတိ ထလမဘိရုဟ။ တတ္ရ ယာသ္သာတိ တတ္ရ ယာ ဘဝေယ္ယ။ သက္ခရာ ဝာ ကဌလာ ဝာတိ သက္ခရာ စ ကဌလာ စ ။ သာ အဓောဂာမီ အသ္သာတိ သာ အဓော ဂစ္ဆေယ္ယ, ဟေဋ္ဌာဂာမီ ဘဝေယ္ယ။ အဓောဂစ္ဆာတိ ဟေဋ္ဌာ ဂစ္ဆ။
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. အသိဗန္ဓကပုတ္တသုတ္တံ • 6. Asibandhakaputtasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. အသိဗန္ဓကပုတ္တသုတ္တဝဏ္ဏနာ • 6. Asibandhakaputtasuttavaṇṇanā
