| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
६. असिबन्धकपुत्तसुत्तवण्णना
6. Asibandhakaputtasuttavaṇṇanā
३५८. पच्छाभूमिवासिनोति अपरदेसवासिनो। उदकसुद्धिकभावजाननत्थायाति अत्तनो उदकसुद्धिकभावं जाननत्थञ्चेव लोकस्स च उदकेन सुद्धि होतीति इमस्स अत्थस्स जाननत्थञ्च। उपरि यापेन्तीति उपरि ब्रह्मलोकं यापेन्ति। सम्मा ञापेन्तीति सम्मा उजुकंयेव सग्गं लोकं गमेन्ति। तेनाह – ‘‘सग्गं नाम ओक्कामेन्ती’’ति, अवक्कामेन्ति ओगाहापेन्तीति अत्थो। अनुपरिगच्छेय्याति अनुपरितो गच्छेय्य।
358.Pacchābhūmivāsinoti aparadesavāsino. Udakasuddhikabhāvajānanatthāyāti attano udakasuddhikabhāvaṃ jānanatthañceva lokassa ca udakena suddhi hotīti imassa atthassa jānanatthañca. Upari yāpentīti upari brahmalokaṃ yāpenti. Sammā ñāpentīti sammā ujukaṃyeva saggaṃ lokaṃ gamenti. Tenāha – ‘‘saggaṃ nāma okkāmentī’’ti, avakkāmenti ogāhāpentīti attho. Anuparigaccheyyāti anuparito gaccheyya.
असिबन्धकपुत्तसुत्तवण्णना निट्ठिता।
Asibandhakaputtasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. असिबन्धकपुत्तसुत्तं • 6. Asibandhakaputtasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ६. असिबन्धकपुत्तसुत्तवण्णना • 6. Asibandhakaputtasuttavaṇṇanā
