| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
७. खेत्तूपमसुत्तवण्णना
7. Khettūpamasuttavaṇṇanā
३५९. थद्धन्ति कथिनं लूखं। ऊसरन्ति ऊसजातं। चतूहिपि ओघेहि अनभिभवनीयताय अहं दीपो। सब्बपरिस्सयेहि अनभिभवनीयताय अहं लेणो। सब्बदुक्खपरित्तासनतो तायनट्ठेन अहं ताणं। सब्बभयहिंसनतो अहं सरणन्ति योजेतब्बं।
359.Thaddhanti kathinaṃ lūkhaṃ. Ūsaranti ūsajātaṃ. Catūhipi oghehi anabhibhavanīyatāya ahaṃ dīpo. Sabbaparissayehi anabhibhavanīyatāya ahaṃ leṇo. Sabbadukkhaparittāsanato tāyanaṭṭhena ahaṃ tāṇaṃ. Sabbabhayahiṃsanato ahaṃ saraṇanti yojetabbaṃ.
उदकमणिकोति महन्तं उदकभाजनं। बहि विस्सन्दनवसेन उदकं न हरतीति अहारी, परितो न पग्घरतीति अपरिहारी। सक्कच्चमेव देसेन्ति सद्धम्मगारवस्स सब्बसत्तेसु महाकरुणाय च बुद्धानं समानरसत्ता। चतस्सो पन परिसा सत्थुगारवेन अत्तनो च सद्धासम्पन्नताय सद्दहित्वा ओकप्पेत्वा सुणन्ति, तस्मा ता देसनाफलेन युज्जन्ति। किच्चसिद्धिया सत्थु देसना तत्थ सक्कच्चदेसना नाम जाता।
Udakamaṇikoti mahantaṃ udakabhājanaṃ. Bahi vissandanavasena udakaṃ na haratīti ahārī, parito na paggharatīti aparihārī. Sakkaccameva desenti saddhammagāravassa sabbasattesu mahākaruṇāya ca buddhānaṃ samānarasattā. Catasso pana parisā satthugāravena attano ca saddhāsampannatāya saddahitvā okappetvā suṇanti, tasmā tā desanāphalena yujjanti. Kiccasiddhiyā satthu desanā tattha sakkaccadesanā nāma jātā.
खेत्तूपमसुत्तवण्णना निट्ठिता।
Khettūpamasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ७. खेत्तूपमसुत्तं • 7. Khettūpamasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ७. खेत्तूपमसुत्तवण्णना • 7. Khettūpamasuttavaṇṇanā
