| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. அஸிப³ந்த⁴கபுத்தஸுத்தவண்ணனா
6. Asibandhakaputtasuttavaṇṇanā
358. ச²ட்டே² பச்சா²பூ⁴மகாதி பச்சா²பூ⁴மிவாஸினோ. காமண்ட³லுகாதி ஸகமண்ட³லுனோ. ஸேவாலமாலிகாதி பாதோவ உத³கதோ ஸேவாலஞ்சேவ உப்பலாதீ³னி ச க³ஹெத்வா உத³கஸுத்³தி⁴கபா⁴வஜானநத்தா²ய மாலங் கத்வா பிளந்த⁴னகா. உத³கோரோஹகாதி ஸாயங்பாதங் உத³கங் ஓரோஹனகா. உய்யாபெந்தீதி உபரி யாபெந்தி. ஸஞ்ஞாபெந்தீதி ஸம்மா ஞாபெந்தி. ஸக்³க³ங் நாம ஓக்காமெந்தீதி பரிவாரெத்வா டி²தா ‘‘க³ச்ச², போ⁴, ப்³ரஹ்மலோகங், க³ச்ச², போ⁴, ப்³ரஹ்மலோக’’ந்தி வத³ந்தா ஸக்³க³ங் பவேஸெந்தி. அனுபரிஸக்கெய்யாதி அனுபரிக³ச்செ²ய்ய. உம்முஜ்ஜாதி உம்முஜ்ஜ உட்ட²ஹ. த²லமுப்லவாதி த²லமபி⁴ருஹ. தத்ர யாஸ்ஸாதி தத்ர யா ப⁴வெய்ய. ஸக்க²ரா வா கட²லா வாதி ஸக்க²ரா ச கட²லா ச . ஸா அதோ⁴கா³மீ அஸ்ஸாதி ஸா அதோ⁴ க³ச்செ²ய்ய, ஹெட்டா²கா³மீ ப⁴வெய்ய. அதோ⁴க³ச்சா²தி ஹெட்டா² க³ச்ச².
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. அஸிப³ந்த⁴கபுத்தஸுத்தங் • 6. Asibandhakaputtasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. அஸிப³ந்த⁴கபுத்தஸுத்தவண்ணனா • 6. Asibandhakaputtasuttavaṇṇanā
