| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. ആസവക്ഖയസുത്തം
10. Āsavakkhayasuttaṃ
൧൨൨. ‘‘ദസയിമേ, ഭിക്ഖവേ, ധമ്മാ ഭാവിതാ ബഹുലീകതാ ആസവാനം ഖയായ സംവത്തന്തി. കതമേ ദസ? സമ്മാദിട്ഠി, സമ്മാസങ്കപ്പോ, സമ്മാവാചാ, സമ്മാകമ്മന്തോ, സമ്മാആജീവോ, സമ്മാവായാമോ, സമ്മാസതി, സമ്മാസമാധി, സമ്മാഞാണം , സമ്മാവിമുത്തി – ഇമേ ഖോ , ഭിക്ഖവേ, ദസ ധമ്മാ ഭാവിതാ ബഹുലീകതാ ആസവാനം ഖയായ സംവത്തന്തീ’’തി. ദസമം.
122. ‘‘Dasayime, bhikkhave, dhammā bhāvitā bahulīkatā āsavānaṃ khayāya saṃvattanti. Katame dasa? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ , sammāvimutti – ime kho , bhikkhave, dasa dhammā bhāvitā bahulīkatā āsavānaṃ khayāya saṃvattantī’’ti. Dasamaṃ.
പച്ചോരോഹണിവഗ്ഗോ ദുതിയോ.
Paccorohaṇivaggo dutiyo.
തസ്സുദ്ദാനം –
Tassuddānaṃ –
തയോ അധമ്മാ അജിതോ, സങ്ഗാരവോ ച ഓരിമം;
Tayo adhammā ajito, saṅgāravo ca orimaṃ;
ദ്വേ ചേവ പച്ചോരോഹണീ, പുബ്ബങ്ഗമം ആസവക്ഖയോതി.
Dve ceva paccorohaṇī, pubbaṅgamaṃ āsavakkhayoti.
Related texts:
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൫-൪൨. സങ്ഗാരവസുത്താദിവണ്ണനാ • 5-42. Saṅgāravasuttādivaṇṇanā
