| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
6. ஆஸனஸந்த²விகத்தே²ரஅபதா³னங்
6. Āsanasanthavikattheraapadānaṃ
26.
26.
‘‘சேதியங் உத்தமங் நாம, ஸிகி²னோ லோகப³ந்து⁴னோ;
‘‘Cetiyaṃ uttamaṃ nāma, sikhino lokabandhuno;
அரஞ்ஞே இரீணே வனே, அந்தா⁴ஹிண்டா³மஹங் ததா³.
Araññe irīṇe vane, andhāhiṇḍāmahaṃ tadā.
27.
27.
‘‘பவனா நிக்க²மந்தேன, தி³ட்ட²ங் ஸீஹாஸனங் மயா;
‘‘Pavanā nikkhamantena, diṭṭhaṃ sīhāsanaṃ mayā;
28.
28.
‘‘தி³வஸபா⁴க³ங் த²வித்வான, பு³த்³த⁴ங் லோகக்³க³னாயகங்;
‘‘Divasabhāgaṃ thavitvāna, buddhaṃ lokagganāyakaṃ;
ஹட்டோ² ஹட்டே²ன சித்தேன, இமங் வாசங் உதீ³ரயிங்.
Haṭṭho haṭṭhena cittena, imaṃ vācaṃ udīrayiṃ.
29.
29.
‘‘‘நமோ தே புரிஸாஜஞ்ஞ, நமோ தே புரிஸுத்தம;
‘‘‘Namo te purisājañña, namo te purisuttama;
ஸப்³ப³ஞ்ஞூஸி மஹாவீர, லோகஜெட்ட² நராஸப⁴’.
Sabbaññūsi mahāvīra, lokajeṭṭha narāsabha’.
30.
30.
‘‘அபி⁴த்த²வித்வா ஸிகி²னங், நிமித்தகரணேனஹங்;
‘‘Abhitthavitvā sikhinaṃ, nimittakaraṇenahaṃ;
ஆஸனங் அபி⁴வாதெ³த்வா, பக்காமிங் உத்தராமுகோ².
Āsanaṃ abhivādetvā, pakkāmiṃ uttarāmukho.
31.
31.
‘‘ஏகத்திங்ஸே இதோ கப்பே, யங் த²விங் வத³தங் வரங்;
‘‘Ekattiṃse ito kappe, yaṃ thaviṃ vadataṃ varaṃ;
து³க்³க³திங் நாபி⁴ஜானாமி, தோ²மனாய இத³ங் ப²லங்.
Duggatiṃ nābhijānāmi, thomanāya idaṃ phalaṃ.
32.
32.
‘‘ஸத்தவீஸே இதோ கப்பே, அதுலா ஸத்த ஆஸு தே;
‘‘Sattavīse ito kappe, atulā satta āsu te;
ஸத்தரதனஸம்பன்னா, சக்கவத்தீ மஹப்³ப³லா.
Sattaratanasampannā, cakkavattī mahabbalā.
33.
33.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஆஸனஸந்த²விகோ 3 தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā āsanasanthaviko 4 thero imā gāthāyo abhāsitthāti.
ஆஸனஸந்த²விகத்தே²ரஸ்ஸாபதா³னங் ச²ட்ட²ங்.
Āsanasanthavikattherassāpadānaṃ chaṭṭhaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. ஆரக்க²தா³யகத்தே²ரஅபதா³னாதி³வண்ணனா • 1-10. Ārakkhadāyakattheraapadānādivaṇṇanā
