| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
อสาธารณาทิวณฺณนา
Asādhāraṇādivaṇṇanā
๓๓๘. ‘‘โธวนญฺจ ปฎิคฺคโห’’ติ คาถา อฎฺฐกถาจริยานํฯ ตตฺถ โธวนญฺจ ปฎิคฺคโหติ อญฺญาติกาย ภิกฺขุนิยา จีวรโธวาปนํ จีวรปฎิคฺคหณญฺจฯ โกเสยฺย…เป.… เทฺว โลมาติ เอฬกโลมวเคฺค อาทิโต สตฺต สิกฺขาปทานิ วุตฺตานิฯ วสฺสิกาติ วสฺสิกสาฎิกสิกฺขาปทํฯ อารญฺญเกน จาติ สาสงฺกสิกฺขาปทํ วุตฺตํฯ ปณีตนฺติ ปณีตโภชนวิญฺญตฺติฯ อูนนฺติ อูนวีสติวสฺสสิกฺขาปทํฯ นิสีทเน จ ยา สิกฺขา, วสฺสิกา ยา จ สาฎิกาติ นิสีทนวสฺสิกสาฎิกานํ ปมาณาติกฺกโมฯ
338. ‘‘Dhovanañca paṭiggaho’’ti gāthā aṭṭhakathācariyānaṃ. Tattha dhovanañca paṭiggahoti aññātikāya bhikkhuniyā cīvaradhovāpanaṃ cīvarapaṭiggahaṇañca. Koseyya…pe… dve lomāti eḷakalomavagge ādito satta sikkhāpadāni vuttāni. Vassikāti vassikasāṭikasikkhāpadaṃ. Āraññakena cāti sāsaṅkasikkhāpadaṃ vuttaṃ. Paṇītanti paṇītabhojanaviññatti. Ūnanti ūnavīsativassasikkhāpadaṃ. Nisīdane ca yā sikkhā, vassikā yā ca sāṭikāti nisīdanavassikasāṭikānaṃ pamāṇātikkamo.
อาปตฺติกฺขนฺธา เจว อุโปสถาทีนิ จ ‘‘ปาราชิกสงฺฆาทิเสสา’’ติอาทินา วิภตฺตตฺตา ‘‘วิภตฺติโย’’ติ วุตฺตานิฯ เตวีสติ สงฺฆาทิเสสาติ ภิกฺขุนีนํ อาคตานิ ทส, ภิกฺขูนํ เตรสาติ เตวีสติฯ เทฺวจตฺตาลีส นิสฺสคฺคิยาติอาทีสุปิ เอเสว นโยฯ ทฺวีหิ…เป.… กิจฺจํ เอเกน สมฺมตีติ ทฺวีหิ วิวาทาธิกรณํ, จตูหิ อนุวาทาธิกรณํ, ตีหิ อาปตฺตาธิกรณํ, เอเกน กิจฺจาธิกรณํ สมฺมตีติ อโตฺถฯ
Āpattikkhandhā ceva uposathādīni ca ‘‘pārājikasaṅghādisesā’’tiādinā vibhattattā ‘‘vibhattiyo’’ti vuttāni. Tevīsati saṅghādisesāti bhikkhunīnaṃ āgatāni dasa, bhikkhūnaṃ terasāti tevīsati. Dvecattālīsa nissaggiyātiādīsupi eseva nayo. Dvīhi…pe… kiccaṃ ekena sammatīti dvīhi vivādādhikaraṇaṃ, catūhi anuvādādhikaraṇaṃ, tīhi āpattādhikaraṇaṃ, ekena kiccādhikaraṇaṃ sammatīti attho.
๓๓๙. นิรงฺกโตติ สงฺฆมฺหา อปสาริโตฯ
339.Niraṅkatoti saṅghamhā apasārito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi
๔. อสาธารณาทิ • 4. Asādhāraṇādi
๕. ปาราชิกาทิอาปตฺติ • 5. Pārājikādiāpatti
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā
อสาธารณาทิวณฺณนา • Asādhāraṇādivaṇṇanā
ปาราชิกาทิอาปตฺติวณฺณนา • Pārājikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
อสาธารณาทิวณฺณนา • Asādhāraṇādivaṇṇanā
ปาราชิกาทิอาปตฺติวณฺณนา • Pārājikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā
สตฺตนคเรสุ ปญฺญตฺตสิกฺขาปทวณฺณนา • Sattanagaresu paññattasikkhāpadavaṇṇanā
ปาราชิกาทิอาปตฺติวณฺณนา • Pārājikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
อสาธารณาทิวณฺณนา • Asādhāraṇādivaṇṇanā
ปาราชิกาทิอาปตฺติวณฺณนา • Pārājikādiāpattivaṇṇanā
