| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૭. અરતિસુત્તં
7. Aratisuttaṃ
૧૧૩. ‘‘તયોમે , ભિક્ખવે, ધમ્મા. કતમે તયો? અરતિ, વિહિંસા 1, અધમ્મચરિયા. ઇમે ખો, ભિક્ખવે, તયો ધમ્મા. ઇમેસં ખો, ભિક્ખવે, તિણ્ણં ધમ્માનં પહાનાય તયો ધમ્મા ભાવેતબ્બા. કતમે તયો? અરતિયા પહાનાય મુદિતા ભાવેતબ્બા, વિહિંસાય પહાનાય અવિહિંસા ભાવેતબ્બા, અધમ્મચરિયાય પહાનાય ધમ્મચરિયા ભાવેતબ્બા. ઇમેસં ખો, ભિક્ખવે, તિણ્ણં ધમ્માનં પહાનાય ઇમે તયો ધમ્મા ભાવેતબ્બા’’તિ. સત્તમં.
113. ‘‘Tayome , bhikkhave, dhammā. Katame tayo? Arati, vihiṃsā 2, adhammacariyā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Aratiyā pahānāya muditā bhāvetabbā, vihiṃsāya pahānāya avihiṃsā bhāvetabbā, adhammacariyāya pahānāya dhammacariyā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Sattamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૭. અરતિસુત્તવણ્ણના • 7. Aratisuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૧. પાતુભાવસુત્તાદિવણ્ણના • 1-11. Pātubhāvasuttādivaṇṇanā
