| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૮. સન્તુટ્ઠિતાસુત્તં
8. Santuṭṭhitāsuttaṃ
૧૧૪. ‘‘તયોમે, ભિક્ખવે, ધમ્મા. કતમે તયો? અસન્તુટ્ઠિતા, અસમ્પજઞ્ઞં, મહિચ્છતા. ઇમે ખો, ભિક્ખવે, તયો ધમ્મા. ઇમેસં ખો, ભિક્ખવે, તિણ્ણં ધમ્માનં પહાનાય તયો ધમ્મા ભાવેતબ્બા. કતમે તયો? અસન્તુટ્ઠિતાય પહાનાય સન્તુટ્ઠિતા ભાવેતબ્બા, અસમ્પજઞ્ઞસ્સ પહાનાય સમ્પજઞ્ઞં ભાવેતબ્બં, મહિચ્છતાય પહાનાય અપ્પિચ્છતા ભાવેતબ્બા. ઇમેસં ખો, ભિક્ખવે, તિણ્ણં ધમ્માનં પહાનાય ઇમે તયો ધમ્મા ભાવેતબ્બા’’તિ. અટ્ઠમં.
114. ‘‘Tayome, bhikkhave, dhammā. Katame tayo? Asantuṭṭhitā, asampajaññaṃ, mahicchatā. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Asantuṭṭhitāya pahānāya santuṭṭhitā bhāvetabbā, asampajaññassa pahānāya sampajaññaṃ bhāvetabbaṃ, mahicchatāya pahānāya appicchatā bhāvetabbā. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Aṭṭhamaṃ.
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૧. પાતુભાવસુત્તાદિવણ્ણના • 1-11. Pātubhāvasuttādivaṇṇanā
