| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၉. အရညာယတနဣသိသုတ္တဝဏ္ဏနာ
9. Araññāyatanaisisuttavaṇṇanā
၂၅၅. နဝမေ ပဏ္ဏကုဋီသု သမ္မန္တီတိ ဟိမဝန္တပဒေသေ ရမဏီယေ အရညာယတနေ ရတ္တိဋ္ဌာနဒိဝာဋ္ဌာနစင္ကမနာဒီဟိ သမ္ပန္နာသု ပဏ္ဏသာလာသု ဝသန္တိ။ သက္ကော စ ဒေဝာနမိန္ဒော ဝေပစိတ္တိ စာတိ ဣမေ ဒ္ဝေ ဇနာ ဇာမာတိကသသုရာ ကာလေန ကလဟံ ကရောန္တိ, ကာလေန ဧကတော စရန္တိ, ဣမသ္မိံ ပန ကာလေ ဧကတော စရန္တိ။ ပဋလိယောတိ ဂဏင္ဂဏူပာဟနာ။ ခဂ္ဂံ ဩလဂ္ဂေတ္ဝာတိ ခဂ္ဂံ အံသေ ဩလဂ္ဂေတ္ဝာ။ ဆတ္တေနာတိ ဒိဗ္ဗသေတစ္ဆတ္တေန မတ္ထကေ ဓာရယမာနေန။ အပဗ္ယာမတော ကရိတ္ဝာတိ ဗ္ယာမတော အကတ္ဝာ။ စိရဒိက္ခိတာနန္တိ စိရသမာဒိဏ္ဏဝတာနံ။ ဣတော ပဋိက္ကမ္မာတိ ‘‘ဣတော ပက္ကမ ပရိဝဇ္ဇယ, မာ ဥပရိဝာတေ တိဋ္ဌာ’’တိ ဝဒန္တိ။ န ဟေတ္ထ ဒေဝာတိ ဧတသ္မိံ သီလဝန္တာနံ ဂန္ဓေ ဒေဝာ န ပဋိက္ကူလသညိနော, ဣဋ္ဌကန္တမနာပသညိနောယေဝာတိ ဒီပေတိ။ နဝမံ။
255. Navame paṇṇakuṭīsu sammantīti himavantapadese ramaṇīye araññāyatane rattiṭṭhānadivāṭṭhānacaṅkamanādīhi sampannāsu paṇṇasālāsu vasanti. Sakko ca devānamindo vepacitti cāti ime dve janā jāmātikasasurā kālena kalahaṃ karonti, kālena ekato caranti, imasmiṃ pana kāle ekato caranti. Paṭaliyoti gaṇaṅgaṇūpāhanā. Khaggaṃ olaggetvāti khaggaṃ aṃse olaggetvā. Chattenāti dibbasetacchattena matthake dhārayamānena. Apabyāmato karitvāti byāmato akatvā. Ciradikkhitānanti cirasamādiṇṇavatānaṃ. Ito paṭikkammāti ‘‘ito pakkama parivajjaya, mā uparivāte tiṭṭhā’’ti vadanti. Na hettha devāti etasmiṃ sīlavantānaṃ gandhe devā na paṭikkūlasaññino, iṭṭhakantamanāpasaññinoyevāti dīpeti. Navamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. အရညာယတနဣသိသုတ္တံ • 9. Araññāyatanaisisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉. အရညာယတနဣသိသုတ္တဝဏ္ဏနာ • 9. Araññāyatanaisisuttavaṇṇanā
