| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๑. อรณสุตฺตํ
11. Araṇasuttaṃ
๘๑.
81.
‘‘เกสูธ อรณา โลเก, เกสํ วุสิตํ น นสฺสติ;
‘‘Kesūdha araṇā loke, kesaṃ vusitaṃ na nassati;
เกธ อิจฺฉํ ปริชานนฺติ, เกสํ โภชิสฺสิยํ สทาฯ
Kedha icchaṃ parijānanti, kesaṃ bhojissiyaṃ sadā.
‘‘กิํสุ มาตา ปิตา ภาตา, วนฺทนฺติ นํ ปติฎฺฐิตํ;
‘‘Kiṃsu mātā pitā bhātā, vandanti naṃ patiṭṭhitaṃ;
กิํสุ อิธ ชาติหีนํ, อภิวาเทนฺติ ขตฺติยา’’ติฯ
Kiṃsu idha jātihīnaṃ, abhivādenti khattiyā’’ti.
‘‘สมณีธ อรณา โลเก, สมณานํ วุสิตํ น นสฺสติ;
‘‘Samaṇīdha araṇā loke, samaṇānaṃ vusitaṃ na nassati;
สมณา อิจฺฉํ ปริชานนฺติ, สมณานํ โภชิสฺสิยํ สทาฯ
Samaṇā icchaṃ parijānanti, samaṇānaṃ bhojissiyaṃ sadā.
‘‘สมณํ มาตา ปิตา ภาตา, วนฺทนฺติ นํ ปติฎฺฐิตํ;
‘‘Samaṇaṃ mātā pitā bhātā, vandanti naṃ patiṭṭhitaṃ;
สมณีธ ชาติหีนํ, อภิวาเทนฺติ ขตฺติยา’’ติฯ
Samaṇīdha jātihīnaṃ, abhivādenti khattiyā’’ti.
เฉตฺวาวโคฺค อฎฺฐโมฯ
Chetvāvaggo aṭṭhamo.
ตสฺสุทฺทานํ –
Tassuddānaṃ –
เฉตฺวา รถญฺจ จิตฺตญฺจ, วุฎฺฐิ ภีตา นชีรติ;
Chetvā rathañca cittañca, vuṭṭhi bhītā najīrati;
อิสฺสรํ กามํ ปาเถยฺยํ, ปโชฺชโต อรเณน จาติฯ
Issaraṃ kāmaṃ pātheyyaṃ, pajjoto araṇena cāti.
เทวตาสํยุตฺตํ สมตฺตํฯ
Devatāsaṃyuttaṃ samattaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๑. อรณสุตฺตวณฺณนา • 11. Araṇasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๑. อรณสุตฺตวณฺณนา • 11. Araṇasuttavaṇṇanā
