| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೩೨. ಆರಕ್ಖದಾಯಕವಗ್ಗೋ
32. Ārakkhadāyakavaggo
೧. ಆರಕ್ಖದಾಯಕತ್ಥೇರಅಪದಾನಂ
1. Ārakkhadāyakattheraapadānaṃ
೧.
1.
‘‘ಧಮ್ಮದಸ್ಸಿಸ್ಸ ಮುನಿನೋ, ವತಿ ಕಾರಾಪಿತಾ ಮಯಾ।
‘‘Dhammadassissa munino, vati kārāpitā mayā;
ಆರಕ್ಖೋ ಚ ಮಯಾ ದಿನ್ನೋ, ದ್ವಿಪದಿನ್ದಸ್ಸ ತಾದಿನೋ॥
Ārakkho ca mayā dinno, dvipadindassa tādino.
೨.
2.
‘‘ಅಟ್ಠಾರಸೇ ಕಪ್ಪಸತೇ, ಯಂ ಕಮ್ಮಮಕರಿಂ ತದಾ।
‘‘Aṭṭhārase kappasate, yaṃ kammamakariṃ tadā;
ತೇನ ಕಮ್ಮವಿಸೇಸೇನ, ಪತ್ತೋ ಮೇ ಆಸವಕ್ಖಯೋ॥
Tena kammavisesena, patto me āsavakkhayo.
೩.
3.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಆರಕ್ಖದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā ārakkhadāyako thero imā gāthāyo abhāsitthāti.
ಆರಕ್ಖದಾಯಕತ್ಥೇರಸ್ಸಾಪದಾನಂ ಪಠಮಂ।
Ārakkhadāyakattherassāpadānaṃ paṭhamaṃ.
