| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ಭೋಜನದಾಯಕತ್ಥೇರಅಪದಾನಂ
2. Bhojanadāyakattheraapadānaṃ
೪.
4.
‘‘ಸುಜಾತೋ ಸಾಲಲಟ್ಠೀವ, ಸೋಭಞ್ಜನಮಿವುಗ್ಗತೋ।
‘‘Sujāto sālalaṭṭhīva, sobhañjanamivuggato;
ಇನ್ದಲಟ್ಠಿರಿವಾಕಾಸೇ, ವಿರೋಚತಿ ಸದಾ ಜಿನೋ॥
Indalaṭṭhirivākāse, virocati sadā jino.
೫.
5.
‘‘ತಸ್ಸ ದೇವಾತಿದೇವಸ್ಸ, ವೇಸ್ಸಭುಸ್ಸ ಮಹೇಸಿನೋ।
‘‘Tassa devātidevassa, vessabhussa mahesino;
ಅದಾಸಿ ಭೋಜನಮಹಂ, ವಿಪ್ಪಸನ್ನೇನ ಚೇತಸಾ॥
Adāsi bhojanamahaṃ, vippasannena cetasā.
೬.
6.
‘‘ತಂ ಮೇ ಬುದ್ಧೋ ಅನುಮೋದಿ, ಸಯಮ್ಭೂ ಅಪರಾಜಿತೋ।
‘‘Taṃ me buddho anumodi, sayambhū aparājito;
ಭವೇ ನಿಬ್ಬತ್ತಮಾನಮ್ಹಿ, ಫಲಂ ನಿಬ್ಬತ್ತತೂ ತವ॥
Bhave nibbattamānamhi, phalaṃ nibbattatū tava.
೭.
7.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ದಾನಮದದಿಂ ತದಾ।
‘‘Ekattiṃse ito kappe, yaṃ dānamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಭೋಜನಸ್ಸ ಇದಂ ಫಲಂ॥
Duggatiṃ nābhijānāmi, bhojanassa idaṃ phalaṃ.
೮.
8.
‘‘ಪಞ್ಚವೀಸೇ ಇತೋ ಕಪ್ಪೇ, ಏಕೋ ಆಸಿಂ ಅಮಿತ್ತಕೋ।
‘‘Pañcavīse ito kappe, eko āsiṃ amittako;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೯.
9.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಭೋಜನದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā bhojanadāyako thero imā gāthāyo abhāsitthāti.
ಭೋಜನದಾಯಕತ್ಥೇರಸ್ಸಾಪದಾನಂ ದುತಿಯಂ।
Bhojanadāyakattherassāpadānaṃ dutiyaṃ.
