| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
17. аабужчагаран̣анид̣̇д̣̇зсаван̣н̣анаа
17. Āpucchakaraṇaniddesavaṇṇanā
161. аабужчагаран̣анд̇и аабужчааяа гаран̣ам̣. анаж̇жхидтоваад̇и анаан̣ад̇д̇ова, аяаажид̇о зва ваа. на жа виссаж̇зд̇и бужчид̇абан̃хам̣ на виссаж̇ж̇зяяа жа, аабужчид̇ваа ваа яаажид̇о ваа яат̇аавуд̇д̇амзд̇ам̣ гаад̇ум̣ лабхад̇ийд̇и ад̇хиббааяо.
161.Āpucchakaraṇanti āpucchāya karaṇaṃ. Anajjhiṭṭhovāti anāṇattova, ayācito eva vā. Na ca vissajeti pucchitapañhaṃ na vissajjeyya ca, āpucchitvā vā yācito vā yathāvuttametaṃ kātuṃ labhatīti adhippāyo.
162. аабужчид̇ваа гат̇знд̇ассаад̇и ад̇д̇ано вуд̣дхам̣ аабужчид̇ваа д̇хаммаад̣̇игам̣ бхаасанд̇асса. буна вуд̣дхад̇арааг̇амзд̇и буна ан̃н̃асса вуд̣дхад̇арасса ааг̇аманз сад̇ийд̇и ад̇т̇о. бунааабужчанам̣ над̇т̇ийд̇и бхаасид̇аб̣б̣ам̣ табзд̇ваа буна аабужчанагижжам̣ над̇т̇ийд̇и ад̇т̇о. сан̇гхад̇т̇зрз асад̇и аарад̣̇д̇хамби адтабзд̇ваа гат̇знд̇ассааби зсзва наяо. бхад̇д̇аг̇г̇з анумод̣̇ад̇о жа аабужчанам̣ над̇т̇ийд̇и самб̣анд̇хо. анумод̣̇ад̇од̇и д̣̇ааяагзхи яаажид̇асса д̇ам̣д̇ам̣бун̃н̃аанумод̣̇анавасзна д̇хаммагат̇ам̣ гарод̇о жа. анумод̣̇анан̃жа т̇зраад̇хзяяам̣. ‘‘ануж̇аанаами, бхигкавз т̇зрзна бхигкунаа бхад̇д̇аг̇г̇з анумод̣̇ид̇у’’нд̇и (жуул̣ава. 362) хи вуд̇д̇ам̣. ‘‘сажз мануссаа ад̇д̇ано абхиружигзна згзна анумод̣̇анам̣ гаарзнд̇и, нзва д̇асса анумод̣̇ад̇о аабад̇д̇и, на махаат̇зрасса бхааро ход̇и. убанисиннагат̇ааяамзва хи мануссзсу гат̇аабзнд̇зсу махаат̇зро аабужчид̇аб̣б̣о’’д̇и адтагат̇ааяам̣ (жул̣ава. адта. 362) вуд̇д̇ам̣.
162.Āpucchitvākathentassāti attano vuḍḍhaṃ āpucchitvā dhammādikaṃ bhāsantassa. Puna vuḍḍhatarāgameti puna aññassa vuḍḍhatarassa āgamane satīti attho. Punaāpucchanaṃ natthīti bhāsitabbaṃ ṭhapetvā puna āpucchanakiccaṃ natthīti attho. Saṅghatthere asati āraddhampi aṭṭhapetvā kathentassāpi eseva nayo. Bhattagge anumodato ca āpucchanaṃ natthīti sambandho. Anumodatoti dāyakehi yācitassa taṃtaṃpuññānumodanavasena dhammakathaṃ karoto ca. Anumodanañca therādheyyaṃ. ‘‘Anujānāmi, bhikkhave therena bhikkhunā bhattagge anumoditu’’nti (cūḷava. 362) hi vuttaṃ. ‘‘Sace manussā attano abhirucikena ekena anumodanaṃ kārenti, neva tassa anumodato āpatti, na mahātherassa bhāro hoti. Upanisinnakathāyameva hi manussesu kathāpentesu mahāthero āpucchitabbo’’ti aṭṭhakathāyaṃ (cuḷava. aṭṭha. 362) vuttaṃ.
163. вуд̣дхзна згавихаарагз васанд̇о жаад̇и самб̣анд̇хо. вуд̣дхзнаад̇и вуд̣дхзна сад̣̇д̇хим̣. згавихаарагзд̇и савануубажаарз куд̣̇д̣̇агавихаарз, на махаавихаарз. гужчид̇ад̇т̇з хи габбажжаяо. на саж̇жхааязяяаад̇и саж̇жхааяанам̣ на гарзяяа.
163. Vuḍḍhena ekavihārake vasanto cāti sambandho. Vuḍḍhenāti vuḍḍhena saddhiṃ. Ekavihāraketi savanūpacāre khuddakavihāre, na mahāvihāre. Kucchitatthe hi kappaccayo. Na sajjhāyeyyāti sajjhāyanaṃ na kareyya.
164. ‘‘д̇хаммам̣ на бхаасаяз’’д̇иаад̣̇ийсу анаабужчаад̇и самб̣анд̇хид̇аб̣б̣ам̣. на жа виж̇жхабзд̇и на жа ниб̣б̣ааязяяа. ваад̇абаанан̃жа аалогасанд̇хипалагам̣ гаваадан̃жа д̣̇ваарапалагам̣ ваад̇абаанагаваадам̣ ваа на виварзяяа на т̇агзяяа жаад̇и на-гааро саб̣б̣ад̇т̇а яож̇зд̇аб̣б̣о.
164.‘‘Dhammaṃ na bhāsaye’’tiādīsu anāpucchāti sambandhitabbaṃ. Na ca vijjhapeti na ca nibbāyeyya. Vātapānañca ālokasandhiphalakaṃ kavāṭañca dvāraphalakaṃ vātapānakavāṭaṃ vā na vivareyya na thakeyya cāti na-kāro sabbattha yojetabbo.
165. згажан̇гамз вуд̣дхзна жан̇гаманд̇оби язна вуд̣дхо, д̇зна баривад̇д̇аязд̇и яож̇анаа. язна д̇знаад̇и бхуммад̇т̇з гаран̣аважанам̣, яад̇т̇а вуд̣дхо, д̇ад̇т̇аад̇и ад̇т̇о, вуд̣дхам̣ охааяа ан̃н̃ад̇о на г̇анд̇аб̣б̣анд̇и ад̇хиббааяо. сод̇и наваго. знанд̇и вуд̣дхам̣. саб̣б̣ад̇т̇а д̣̇уггадам̣. аяан̃хи канд̇хагад̇хаммад̇аа яад̇т̇а на-гаарзна бадисзд̇хо, д̇ад̇т̇а д̣̇уггаданд̇и.
165. Ekacaṅkame vuḍḍhena caṅkamantopi yena vuḍḍho, tena parivattayeti yojanā. Yena tenāti bhummatthe karaṇavacanaṃ, yattha vuḍḍho, tatthāti attho, vuḍḍhaṃ ohāya aññato na gantabbanti adhippāyo. Soti navako. Enanti vuḍḍhaṃ. Sabbattha dukkaṭaṃ. Ayañhi khandhakadhammatā yattha na-kārena paṭisedho, tattha dukkaṭanti.
аабужчагаран̣анид̣̇д̣̇зсаван̣н̣анаа нидтид̇аа.
Āpucchakaraṇaniddesavaṇṇanā niṭṭhitā.
