| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
៤. បវារណាក្ខន្ធកោ
4. Pavāraṇākkhandhako
អផាសុវិហារកថាទិវណ្ណនា
Aphāsuvihārakathādivaṇṇanā
២០៩. បវារណាក្ខន្ធកេ បាឡិយំ បិណ្ឌាយ បដិក្កមេយ្យាតិ បិណ្ឌាយ ចរិត្វា បដិក្កមេយ្យ។ អវក្ការបាតិន្តិ អតិរេកបិណ្ឌបាតឋបនកំ ឯកំ ភាជនំ។ អវិសយ្ហន្តិ ឧក្ខិបិតុំ អសក្កុណេយ្យំ។ វិលង្ឃនំ ឧក្ខិបនំ វិលង្ឃោ, សោ ឯវ វិលង្ឃកោ, ហត្ថេហិ វិលង្ឃកោ ហត្ថវិលង្ឃកោតិ អាហ ‘‘ហត្ថុក្ខេបកេនា’’តិ។ អថ វា វិលង្ឃកេន ឧក្ខេបកេន ហត្ថេនាតិបិ អត្ថោ, អញ្ញមញ្ញំ សំសិព្ពិតហត្ថេហីតិ វុត្តំ ហោតិ។
209. Pavāraṇākkhandhake pāḷiyaṃ piṇḍāya paṭikkameyyāti piṇḍāya caritvā paṭikkameyya. Avakkārapātinti atirekapiṇḍapātaṭhapanakaṃ ekaṃ bhājanaṃ. Avisayhanti ukkhipituṃ asakkuṇeyyaṃ. Vilaṅghanaṃ ukkhipanaṃ vilaṅgho, so eva vilaṅghako, hatthehi vilaṅghako hatthavilaṅghakoti āha ‘‘hatthukkhepakenā’’ti. Atha vā vilaṅghakena ukkhepakena hatthenātipi attho, aññamaññaṃ saṃsibbitahatthehīti vuttaṃ hoti.
២១៣. សចេ បន វុឌ្ឍតរោ ហោតីតិ បវារណាទាយកោ ភិក្ខុ វុឌ្ឍតរោ ហោតិ។ ឯវញ្ហិ តេន តស្សត្ថាយ បវារិតំ ហោតីតិ ឯត្ថ ឯវំ តេន អប្បវារិតោបិ តស្ស សង្ឃប្បត្តិមត្តេន សង្ឃបវារណាកម្មំ សមគ្គកម្មមេវ ហោតីតិ ទដ្ឋព្ពំ។ តេន ច ភិក្ខុនាតិ បវារណាទាយកេន ភិក្ខុនា។
213.Sace pana vuḍḍhataro hotīti pavāraṇādāyako bhikkhu vuḍḍhataro hoti. Evañhi tena tassatthāya pavāritaṃ hotīti ettha evaṃ tena appavāritopi tassa saṅghappattimattena saṅghapavāraṇākammaṃ samaggakammameva hotīti daṭṭhabbaṃ. Tena ca bhikkhunāti pavāraṇādāyakena bhikkhunā.
២៣៤. ពហូបិ សមានវស្សា ឯកតោ បវារេតុំ លភន្តីតិ ឯកស្មិំ សំវច្ឆរេ លទ្ធូបសម្បទតាយ សមានុបសម្បន្នវស្សា សព្ពេ ឯកតោ បវារេតុំ លភន្តីតិ អត្ថោ។
234.Bahūpi samānavassā ekato pavāretuṃ labhantīti ekasmiṃ saṃvacchare laddhūpasampadatāya samānupasampannavassā sabbe ekato pavāretuṃ labhantīti attho.
២៣៧. បាឡិយំ មិច្ឆាទិដ្ឋីតិ ‘‘នត្ថិ ទិន្ន’’ន្តិអាទិ (ទី. និ. ១.១៧១; ម. និ. ១.៤៤៥; ២.៩៤, ៩៥, ២២៥; ៣.៩១, ១១៦, ១៣៦; សំ. និ. ៣.២១០; ធ. ស. ១២២១) នយប្បវត្តា។ អន្តគ្គាហិកាតិ សស្សតុច្ឆេទសង្ខាតស្ស អន្តស្ស គាហិកា។ យំ ខោ ត្វន្តិអាទីសុ យំ បវារណំ ឋបេសិ, តំ ទិដ្ឋេន ឋបេសីតិ តំ-សទ្ទំ អជ្ឈាហរិត្វា យោជេតព្ពំ។
237. Pāḷiyaṃ micchādiṭṭhīti ‘‘natthi dinna’’ntiādi (dī. ni. 1.171; ma. ni. 1.445; 2.94, 95, 225; 3.91, 116, 136; saṃ. ni. 3.210; dha. sa. 1221) nayappavattā. Antaggāhikāti sassatucchedasaṅkhātassa antassa gāhikā. Yaṃ kho tvantiādīsu yaṃ pavāraṇaṃ ṭhapesi, taṃ diṭṭhena ṭhapesīti taṃ-saddaṃ ajjhāharitvā yojetabbaṃ.
២៣៩. វត្ថុំ បកាសេន្តោតិ បុគ្គលេ បរិសង្កុប្បត្តិយា និមិត្តភូតំ វត្ថុមត្តំយេវ សន្ធាយ វុត្តំ ។ យំ បន វត្ថុំ សន្ធាយ ‘‘បុគ្គលោ បញ្ញាយតិ, ន វត្ថូ’’តិ អាហ, ន តំ សន្ធាយេតំ វុត្តំ។ យទិ បន តស្ស ភិក្ខុនោ វសនដ្ឋានេ បោក្ខរណិតោ មច្ឆគ្គហណាទិ ទិស្សេយ្យ, តទា ‘‘វត្ថុ ច បុគ្គលោ ច បញ្ញាយតី’’តិ វត្តព្ពំ ភវេយ្យ។ តេនាហ ‘‘បុរិមនយេនេវ ចោរេហី’’តិអាទិ។ ភិក្ខុនោ សរីរេ មាលាគន្ធញ្ច អរិដ្ឋគន្ធញ្ច ទិស្វា ឯវំ ‘‘វត្ថុ ច បុគ្គលោ ច បញ្ញាយតី’’តិ វុត្តន្តិ វេទិតព្ពំ។
239.Vatthuṃ pakāsentoti puggale parisaṅkuppattiyā nimittabhūtaṃ vatthumattaṃyeva sandhāya vuttaṃ . Yaṃ pana vatthuṃ sandhāya ‘‘puggalo paññāyati, na vatthū’’ti āha, na taṃ sandhāyetaṃ vuttaṃ. Yadi pana tassa bhikkhuno vasanaṭṭhāne pokkharaṇito macchaggahaṇādi disseyya, tadā ‘‘vatthu ca puggalo ca paññāyatī’’ti vattabbaṃ bhaveyya. Tenāha ‘‘purimanayeneva corehī’’tiādi. Bhikkhuno sarīre mālāgandhañca ariṭṭhagandhañca disvā evaṃ ‘‘vatthu ca puggalo ca paññāyatī’’ti vuttanti veditabbaṃ.
អផាសុវិហារកថាទិវណ្ណនា និដ្ឋិតា។
Aphāsuvihārakathādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១២០. អផាសុកវិហារោ • 120. Aphāsukavihāro
១២២. បវារណាទានានុជាននា • 122. Pavāraṇādānānujānanā
១៤០. ទ្វេវាចិកាទិបវារណា • 140. Dvevācikādipavāraṇā
១៤១. បវារណាឋបនំ • 141. Pavāraṇāṭhapanaṃ
១៤៣. វត្ថុឋបនាទិ • 143. Vatthuṭhapanādi
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā
អផាសុកវិហារកថា • Aphāsukavihārakathā
បវារណាទានានុជាននកថា • Pavāraṇādānānujānanakathā
ទ្វេវាចិកាទិបវារណាកថា • Dvevācikādipavāraṇākathā
បវារណាឋបនកថា • Pavāraṇāṭhapanakathā
វត្ថុឋបនាទិកថា • Vatthuṭhapanādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
អផាសុកវិហារកថាវណ្ណនា • Aphāsukavihārakathāvaṇṇanā
បវារណាទានានុជាននកថាវណ្ណនា • Pavāraṇādānānujānanakathāvaṇṇanā
បវារណាឋបនកថាវណ្ណនា • Pavāraṇāṭhapanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
បវារណាទានានុជាននកថាវណ្ណនា • Pavāraṇādānānujānanakathāvaṇṇanā
អនាបត្តិបន្នរសកាទិកថាវណ្ណនា • Anāpattipannarasakādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
១២០. អផាសុកវិហារកថា • 120. Aphāsukavihārakathā
១២១. បវារណាភេទកថា • 121. Pavāraṇābhedakathā
១៤០. ទ្វេវាចិកាទិបវារណាកថា • 140. Dvevācikādipavāraṇākathā
១៤១. បវារណាដ្ឋបនកថា • 141. Pavāraṇāṭṭhapanakathā
១៤៣. វត្ថុដ្ឋបនាទិកថា • 143. Vatthuṭṭhapanādikathā
