| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၁၂) ၂. အာပာယိကဝဂ္ဂော
(12) 2. Āpāyikavaggo
၁. အာပာယိကသုတ္တဝဏ္ဏနာ
1. Āpāyikasuttavaṇṇanā
၁၁၄. ဒုတိယသ္သ ပဌမေ အပာယံ ဂစ္ဆိသ္သန္တီတိ အာပာယိကာ။ နိရယံ ဂစ္ဆိသ္သန္တီတိ နေရယိကာ။ ဣဒမပ္ပဟာယာတိ ဣဒံ ဗ္ရဟ္မစာရိပဋိညတာဒိံ ပာပဓမ္မတ္တယံ အဝိဇဟိတ္ဝာ။ ဗ္ရဟ္မစာရိပဋိညောတိ ဗ္ရဟ္မစာရိပဋိရူပကော, တေသံ ဝာ အာကပ္ပံ အဝိဇဟနေန ‘‘အဟမ္ပိ ဗ္ရဟ္မစာရီ’’တိ ဧဝံပဋိညော။ အနုဒ္ဓံသေတီတိ အက္ကောသတိ ပရိဘာသတိ စောဒေတိ။ နတ္ထိ ကာမေသု ဒောသောတိ ကိလေသကာမေန ဝတ္ထုကာမေ သေဝန္တသ္သ နတ္ထိ ဒောသော။ ပာတဗ္ယတန္တိ ပိဝိတဗ္ဗတံ ပရိဘုဉ္ဇိတဗ္ဗတံ နိရာသင္ကေန စိတ္တေန ပိပာသိတသ္သ ပာနီယပိဝနသဒိသံ ပရိဘုဉ္ဇိတဗ္ဗတံ။ ဣမသ္မိံ သုတ္တေ ဝဋ္ဋမေဝ ကထိတံ။
114. Dutiyassa paṭhame apāyaṃ gacchissantīti āpāyikā. Nirayaṃ gacchissantīti nerayikā. Idamappahāyāti idaṃ brahmacāripaṭiññatādiṃ pāpadhammattayaṃ avijahitvā. Brahmacāripaṭiññoti brahmacāripaṭirūpako, tesaṃ vā ākappaṃ avijahanena ‘‘ahampi brahmacārī’’ti evaṃpaṭiñño. Anuddhaṃsetīti akkosati paribhāsati codeti. Natthi kāmesu dosoti kilesakāmena vatthukāme sevantassa natthi doso. Pātabyatanti pivitabbataṃ paribhuñjitabbataṃ nirāsaṅkena cittena pipāsitassa pānīyapivanasadisaṃ paribhuñjitabbataṃ. Imasmiṃ sutte vaṭṭameva kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အာပာယိကသုတ္တံ • 1. Āpāyikasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. အာပာယိကသုတ္တဝဏ္ဏနာ • 1. Āpāyikasuttavaṇṇanā
