| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၁၂) ၂. အာပာယိကဝဂ္ဂော
(12) 2. Āpāyikavaggo
၁. အာပာယိကသုတ္တံ
1. Āpāyikasuttaṃ
၁၁၄. ‘‘တယောမေ , ဘိက္ခဝေ, အာပာယိကာ နေရယိကာ ဣဒမပ္ပဟာယ။ ကတမေ တယော? ယော စ အဗ္ရဟ္မစာရီ ဗ္ရဟ္မစာရိပဋိညော, ယော စ သုဒ္ဓံ ဗ္ရဟ္မစရိယံ စရန္တံ အမူလကေန 1 အဗ္ရဟ္မစရိယေန အနုဒ္ဓံသေတိ, ယော စာယံ ဧဝံဝာဒီ ဧဝံဒိဋ္ဌိ – ‘နတ္ထိ ကာမေသု ဒောသော’တိ, သော တာယ ကာမေသု ပာတဗ္ယတံ အာပဇ္ဇတိ။ ဣမေ ခော, ဘိက္ခဝေ, တယော အာပာယိကာ နေရယိကာ ဣဒမပ္ပဟာယာ’’တိ။ ပဌမံ။
114. ‘‘Tayome , bhikkhave, āpāyikā nerayikā idamappahāya. Katame tayo? Yo ca abrahmacārī brahmacāripaṭiñño, yo ca suddhaṃ brahmacariyaṃ carantaṃ amūlakena 2 abrahmacariyena anuddhaṃseti, yo cāyaṃ evaṃvādī evaṃdiṭṭhi – ‘natthi kāmesu doso’ti, so tāya kāmesu pātabyataṃ āpajjati. Ime kho, bhikkhave, tayo āpāyikā nerayikā idamappahāyā’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. အာပာယိကသုတ္တဝဏ္ဏနာ • 1. Āpāyikasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. အာပာယိကသုတ္တဝဏ္ဏနာ • 1. Āpāyikasuttavaṇṇanā
