| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
៩. អបរិយាបន្នកថាវណ្ណនា
9. Apariyāpannakathāvaṇṇanā
៧០៩-៧១០. តស្មាតិ យស្មា ទិដ្ឋិរាគានំ សមានេ វិក្ខម្ភនភាវេបិ ‘‘វីតរាគោ’’តិ វុច្ចតិ, ន បន ‘‘វិគតទិដ្ឋិកោ’’តិ, តស្មា ទិដ្ឋិ លោកិយបរិយាបន្នា ន ហោតីតិ អត្ថំ វទន្តិ។ រូបទិដ្ឋិយា អភាវា បន កាមធាតុបរិយាបន្នាយ ទិដ្ឋិយា ភវិតព្ពំ។ យទិ ច បរិយាបន្នា សិយា, តថា ច សតិ កាមរាគោ វិយ ឈានលាភិនោ ទិដ្ឋិបិ វិគច្ឆេយ្យាតិ ‘‘វិគតទិដ្ឋិកោ’’តិ វត្តព្ពោ សិយា, ន ច វុច្ចតិ, តស្មា អបរិយាបន្នា ទិដ្ឋិ។ ន ហិ សា តស្ស អវិគតា ទិដ្ឋិ កាមរាគោ វិយ កាមទិដ្ឋិ យេន កាមធាតុយា បរិយាបន្នា សិយាតិ វទតីតិ វេទិតព្ពំ។
709-710. Tasmāti yasmā diṭṭhirāgānaṃ samāne vikkhambhanabhāvepi ‘‘vītarāgo’’ti vuccati, na pana ‘‘vigatadiṭṭhiko’’ti, tasmā diṭṭhi lokiyapariyāpannā na hotīti atthaṃ vadanti. Rūpadiṭṭhiyā abhāvā pana kāmadhātupariyāpannāya diṭṭhiyā bhavitabbaṃ. Yadi ca pariyāpannā siyā, tathā ca sati kāmarāgo viya jhānalābhino diṭṭhipi vigaccheyyāti ‘‘vigatadiṭṭhiko’’ti vattabbo siyā, na ca vuccati, tasmā apariyāpannā diṭṭhi. Na hi sā tassa avigatā diṭṭhi kāmarāgo viya kāmadiṭṭhi yena kāmadhātuyā pariyāpannā siyāti vadatīti veditabbaṃ.
អបរិយាបន្នកថាវណ្ណនា និដ្ឋិតា។
Apariyāpannakathāvaṇṇanā niṭṭhitā.
ចុទ្ទសមវគ្គវណ្ណនា និដ្ឋិតា។
Cuddasamavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៤៤) ៩. អបរិយាបន្នកថា • (144) 9. Apariyāpannakathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៩. អបរិយាបន្នកថាវណ្ណនា • 9. Apariyāpannakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៩. អបរិយាបន្នកថាវណ្ណនា • 9. Apariyāpannakathāvaṇṇanā
