| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
9. அபரந்தானுதி³ட்டி²னித்³தே³ஸவண்ணனா
9. Aparantānudiṭṭhiniddesavaṇṇanā
142. ஸஞ்ஞிங் வத³ந்தீதி ஸஞ்ஞீவாதா³. அஸஞ்ஞிங் வத³ந்தீதி அஸஞ்ஞீவாதா³. நேவஸஞ்ஞீனாஸஞ்ஞிங் வத³ந்தீதி நேவஸஞ்ஞீனாஸஞ்ஞீவாதா³. அத² வா ஸஞ்ஞீதி பவத்தோ வாதோ³ ஸஞ்ஞீவாதோ³, ஸோ யேஸங் அத்தீ²தி தே ஸஞ்ஞீவாதா³, ததா² அஸஞ்ஞீவாதா³, நேவஸஞ்ஞீனாஸஞ்ஞீவாதா³ ச. உச்சே²த³ங் வத³ந்தீதி உச்சே²த³வாதா³. தி³ட்ட²த⁴ம்மோதி பச்சக்க²த⁴ம்மோ, தத்த² தத்த² படிலத்³த⁴அத்தபா⁴வஸ்ஸேதங் அதி⁴வசனங். தி³ட்ட²த⁴ம்மே நிப்³பா³னங் தி³ட்ட²த⁴ம்மனிப்³பா³னங், இமஸ்மிங்யேவ அத்தபா⁴வே து³க்க²வூபஸமோதி அத்தோ², தங் வத³ந்தீதி தி³ட்ட²த⁴ம்மனிப்³பா³னவாதா³. இமஸ்மிங் பனத்தே² வித்தா²ரியமானே ஸாட்ட²கத²ங் ஸகலங் ப்³ரஹ்மஜாலஸுத்தங் வத்தப்³ப³ங் ஹோதி. ஏவஞ்ச ஸதி அதிபபஞ்சோ ஹோதீதி ந வித்தா²ரிதோ. தத³த்தி²கேஹி தங் அபெக்கி²த்வா க³ஹேதப்³போ³.
142. Saññiṃ vadantīti saññīvādā. Asaññiṃ vadantīti asaññīvādā. Nevasaññīnāsaññiṃ vadantīti nevasaññīnāsaññīvādā. Atha vā saññīti pavatto vādo saññīvādo, so yesaṃ atthīti te saññīvādā, tathā asaññīvādā, nevasaññīnāsaññīvādā ca. Ucchedaṃ vadantīti ucchedavādā. Diṭṭhadhammoti paccakkhadhammo, tattha tattha paṭiladdhaattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamoti attho, taṃ vadantīti diṭṭhadhammanibbānavādā. Imasmiṃ panatthe vitthāriyamāne sāṭṭhakathaṃ sakalaṃ brahmajālasuttaṃ vattabbaṃ hoti. Evañca sati atipapañco hotīti na vitthārito. Tadatthikehi taṃ apekkhitvā gahetabbo.
அபரந்தானுதி³ட்டி²னித்³தே³ஸவண்ணனா நிட்டி²தா.
Aparantānudiṭṭhiniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 9. அபரந்தானுதி³ட்டி²னித்³தே³ஸோ • 9. Aparantānudiṭṭhiniddeso
