| Library / Tipiṭaka / д̇ибидага • Tipiṭaka / т̇зраг̇аат̇аабаал̣и • Theragāthāpāḷi |
7. (абара)-г̇од̇амад̇т̇зраг̇аат̇аа
7. (Apara)-gotamattheragāthā
587.
587.
‘‘виж̇аанзяяа сагам̣ ад̇т̇ам̣, авалогзяяаат̇а бааважанам̣;
‘‘Vijāneyya sakaṃ atthaṃ, avalokeyyātha pāvacanaṃ;
яан̃жзд̇т̇а асса бад̇ируубам̣, сааман̃н̃ам̣ аж̇жхубаг̇ад̇асса.
Yañcettha assa patirūpaṃ, sāmaññaṃ ajjhupagatassa.
588.
588.
‘‘мид̇д̇ам̣ ид̇ха жа галяаан̣ам̣, сигкаа вибулам̣ самаад̣̇аанам̣;
‘‘Mittaṃ idha ca kalyāṇaṃ, sikkhā vipulaṃ samādānaṃ;
суссуусаа жа г̇аруунам̣, зд̇ам̣ саман̣асса бад̇ируубам̣.
Sussūsā ca garūnaṃ, etaṃ samaṇassa patirūpaṃ.
589.
589.
‘‘б̣уд̣̇д̇хзсу саг̇ааравад̇аа, д̇хаммз абажид̇и яат̇аабхууд̇ам̣;
‘‘Buddhesu sagāravatā, dhamme apaciti yathābhūtaṃ;
сан̇гхз жа жид̇д̇игааро, зд̇ам̣ саман̣асса бад̇ируубам̣.
Saṅghe ca cittikāro, etaṃ samaṇassa patirūpaṃ.
590.
590.
‘‘аажаараг̇ожарз яуд̇д̇о, ааж̇ийво сод̇хид̇о аг̇аараяхо;
‘‘Ācāragocare yutto, ājīvo sodhito agārayho;
жид̇д̇асса жа сан̣табанам̣, зд̇ам̣ саман̣асса бад̇ируубам̣.
Cittassa ca saṇṭhapanaṃ, etaṃ samaṇassa patirūpaṃ.
591.
591.
‘‘жаарид̇д̇ам̣ ат̇а ваарид̇д̇ам̣, ирияаабат̇ияам̣ басаад̣̇анияам̣;
‘‘Cārittaṃ atha vārittaṃ, iriyāpathiyaṃ pasādaniyaṃ;
ад̇хижид̇д̇з жа ааяог̇о, зд̇ам̣ саман̣асса бад̇ируубам̣.
Adhicitte ca āyogo, etaṃ samaṇassa patirūpaṃ.
592.
592.
‘‘ааран̃н̃агаани сзнаасанаани, банд̇аани аббасад̣̇д̣̇аани;
‘‘Āraññakāni senāsanāni, pantāni appasaddāni;
бхаж̇ид̇аб̣б̣аани мунинаа, зд̇ам̣ саман̣асса бад̇ируубам̣.
Bhajitabbāni muninā, etaṃ samaṇassa patirūpaṃ.
593.
593.
‘‘сийлан̃жа б̣аахусажжан̃жа, д̇хаммаанам̣ бавижаяо яат̇аабхууд̇ам̣;
‘‘Sīlañca bāhusaccañca, dhammānaṃ pavicayo yathābhūtaṃ;
сажжаанам̣ абхисамаяо, зд̇ам̣ саман̣асса бад̇ируубам̣.
Saccānaṃ abhisamayo, etaṃ samaṇassa patirūpaṃ.
594.
594.
‘‘бхаавзяяа жа анижжанд̇и, анад̇д̇асан̃н̃ам̣ асубхасан̃н̃ан̃жа;
‘‘Bhāveyya ca aniccanti, anattasaññaṃ asubhasaññañca;
логамхи жа анабхирад̇им̣, зд̇ам̣ саман̣асса бад̇ируубам̣.
Lokamhi ca anabhiratiṃ, etaṃ samaṇassa patirūpaṃ.
595.
595.
‘‘бхаавзяяа жа б̣ож̇жхан̇г̇з, ид̣̇д̇хибаад̣̇аани инд̣̇рияаани б̣алаани;
‘‘Bhāveyya ca bojjhaṅge, iddhipādāni indriyāni balāni;
адтан̇г̇амаг̇г̇амарияам̣, зд̇ам̣ саман̣асса бад̇ируубам̣.
Aṭṭhaṅgamaggamariyaṃ, etaṃ samaṇassa patirūpaṃ.
596.
596.
‘‘д̇ан̣хам̣ баж̇ахзяяа муни, самуулагз аасавз бад̣̇аалзяяа;
‘‘Taṇhaṃ pajaheyya muni, samūlake āsave padāleyya;
вихарзяяа виббамуд̇д̇о, зд̇ам̣ саман̣асса бад̇ирууба’’нд̇и.
Vihareyya vippamutto, etaṃ samaṇassa patirūpa’’nti.
… г̇од̇амо т̇зро….
… Gotamo thero….
д̣̇асаганибаад̇о нидтид̇о.
Dasakanipāto niṭṭhito.
д̇ад̇руд̣̇д̣̇аанам̣ –
Tatruddānaṃ –
гаал̣уд̣̇ааяий жа со т̇зро, згавихаарий жа габбино;
Kāḷudāyī ca so thero, ekavihārī ca kappino;
жуул̣абант̇аго габбо жа, убасзно жа г̇од̇амо;
Cūḷapanthako kappo ca, upaseno ca gotamo;
сад̇д̇имз д̣̇асагз т̇зраа, г̇аат̇ааяо жзд̇т̇а сад̇д̇ад̇ийд̇и.
Sattime dasake therā, gāthāyo cettha sattatīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зраг̇аат̇аа-адтагат̇аа • Theragāthā-aṭṭhakathā / 7. (абара)-г̇од̇амад̇т̇зраг̇аат̇ааван̣н̣анаа • 7. (Apara)-gotamattheragāthāvaṇṇanā
