| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
९. अनुपुब्बाभिसमयकथावण्णना
9. Anupubbābhisamayakathāvaṇṇanā
३३९. ‘‘तानि वा चत्तारिपि ञाणानि एको सोतापत्तिमग्गोयेवाति पटिजानाती’’ति इमं सन्धायाह ‘‘अथ वा’’तिआदि। चतुन्नं ञाणानन्ति दुक्खेञाणादीनं चतुन्नं ञाणानं। एकमग्गभावतोति सोतापत्तिआदिएकमग्गभावतो। कमेन पवत्तमानानिपि हि तानि ञाणानि तंतंमग्गकिच्चस्स साधनतो एकोयेव मग्गो होतीति अधिप्पायो। तेनाह ‘‘एकमग्गस्स…पे॰… पटिजानाती’’ति।
339. ‘‘Tāni vā cattāripi ñāṇāni eko sotāpattimaggoyevāti paṭijānātī’’ti imaṃ sandhāyāha ‘‘atha vā’’tiādi. Catunnaṃ ñāṇānanti dukkheñāṇādīnaṃ catunnaṃ ñāṇānaṃ. Ekamaggabhāvatoti sotāpattiādiekamaggabhāvato. Kamena pavattamānānipi hi tāni ñāṇāni taṃtaṃmaggakiccassa sādhanato ekoyeva maggo hotīti adhippāyo. Tenāha ‘‘ekamaggassa…pe… paṭijānātī’’ti.
३४४. दस्सनेति मग्गदस्सने।
344. Dassaneti maggadassane.
३४५. धम्मत्थानं हेतुफलभावतो धम्मत्थपटिसम्भिदानं सिया सोतापत्तिफलहेतुता, तदभावतो न इतरपटिसम्भिदानन्ति आह ‘‘निरुत्ति…पे॰… विचारेतब्ब’’न्ति। सब्बासम्पि पन पटिसम्भिदानं पठमफलसच्छिकिरियाहेतुता विचारेतब्बा मग्गाधिगमेनेव लद्धब्बत्ता फलानं विय, तस्मा ‘‘अट्ठहि ञाणेही’’ति एत्थ निक्खेपकण्डे आगतनयेन दुक्खादिञाणानं पुब्बन्तादिञाणानञ्च वसेन ‘‘अट्ठहि ञाणेही’’ति युत्तं विय दिस्सति।
345. Dhammatthānaṃ hetuphalabhāvato dhammatthapaṭisambhidānaṃ siyā sotāpattiphalahetutā, tadabhāvato na itarapaṭisambhidānanti āha ‘‘nirutti…pe… vicāretabba’’nti. Sabbāsampi pana paṭisambhidānaṃ paṭhamaphalasacchikiriyāhetutā vicāretabbā maggādhigameneva laddhabbattā phalānaṃ viya, tasmā ‘‘aṭṭhahi ñāṇehī’’ti ettha nikkhepakaṇḍe āgatanayena dukkhādiñāṇānaṃ pubbantādiñāṇānañca vasena ‘‘aṭṭhahi ñāṇehī’’ti yuttaṃ viya dissati.
अनुपुब्बाभिसमयकथावण्णना निट्ठिता।
Anupubbābhisamayakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१८) ९. अनुपुब्बाभिसमयकथा • (18) 9. Anupubbābhisamayakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ९. अनुपुब्बाभिसमयकथावण्णना • 9. Anupubbābhisamayakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ९. अनुपुब्बाभिसमयकथावण्णना • 9. Anupubbābhisamayakathāvaṇṇanā
