| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៤. អនុមោទនវត្តកថា
4. Anumodanavattakathā
៣៦២. ឥទ្ធំ អហោសីតិ ឯត្ថ ឥធធាតុយា វឌ្ឍនត្ថំ បដិក្ខិបន្តោ អាហ ‘‘សម្បន្នំ អហោសី’’តិ។ សង្ឃត្ថេរេ និសិន្នេតិ សម្ពន្ធោ។ អនុថេរេ អនុមោទនត្ថាយ និសិន្នេតិ យោជនា។ សង្ឃត្ថេរេន អជ្ឈិដ្ឋេបីតិ សម្ពន្ធោ។ អនុមោទកោ វទតីតិ សម្ពន្ធោ។ អនុ បុនប្បុនំ, បច្ឆា វា ទាយកេ ធម្មកថាយ មោទេតីតិ អនុមោទកោ។ ‘‘គច្ឆថា’’តិ សចេ វទតិ អនុមោទកោតិ យោជនា។ តស្សាតិ អនុមោទកស្ស។ មនុស្សា ការេន្តីតិ សម្ពន្ធោ។ ‘‘ឯកេនា’’តិ បទំ ‘‘ការេន្តី’’តិ បទេ ការិតកម្មំ។ តស្សាតិ ការិតភិក្ខុស្ស។ អនុមោទនតោតិ អនុមោទនការណា។ ឧបនិសិន្នកថាតិ ឧបសមីបេ និសិន្នានំ កថិយតិ ឯតាយាតិ ឧបនិសិន្នកថា។ អនុមោទនាយាតិ អនុមោទនត្ថាយ។ អជ្ឈិដ្ឋោវាតិ សយំ អជ្ឈិដ្ឋោ ឯវ។ ឯត្ថាតិ អនុមោទនវត្ថុស្មិំ។ ‘‘សញ្ជាតវច្ចោ’’តិ ឥមិនា វច្ចោ សញ្ជាតោ ឥមស្សាតិ វច្ចិតោតិ កត្វា សញ្ជាតត្ថេ ឥត បច្ចយោតិ ទស្សេតិ។
362.Iddhaṃ ahosīti ettha idhadhātuyā vaḍḍhanatthaṃ paṭikkhipanto āha ‘‘sampannaṃ ahosī’’ti. Saṅghatthere nisinneti sambandho. Anuthere anumodanatthāya nisinneti yojanā. Saṅghattherena ajjhiṭṭhepīti sambandho. Anumodako vadatīti sambandho. Anu punappunaṃ, pacchā vā dāyake dhammakathāya modetīti anumodako. ‘‘Gacchathā’’ti sace vadati anumodakoti yojanā. Tassāti anumodakassa. Manussā kārentīti sambandho. ‘‘Ekenā’’ti padaṃ ‘‘kārentī’’ti pade kāritakammaṃ. Tassāti kāritabhikkhussa. Anumodanatoti anumodanakāraṇā. Upanisinnakathāti upasamīpe nisinnānaṃ kathiyati etāyāti upanisinnakathā. Anumodanāyāti anumodanatthāya. Ajjhiṭṭhovāti sayaṃ ajjhiṭṭho eva. Etthāti anumodanavatthusmiṃ. ‘‘Sañjātavacco’’ti iminā vacco sañjāto imassāti vaccitoti katvā sañjātatthe ita paccayoti dasseti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៤. អនុមោទនវត្តកថា • 4. Anumodanavattakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / អនុមោទនវត្តកថា • Anumodanavattakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អនុមោទនវត្តកថាវណ្ណនា • Anumodanavattakathāvaṇṇanā
