| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. អនុលេបទាយកត្ថេរអបទានំ
6. Anulepadāyakattheraapadānaṃ
២៦.
26.
‘‘អនោមទស្សីមុនិនោ , ពោធិវេទិមកាសហំ;
‘‘Anomadassīmunino , bodhivedimakāsahaṃ;
សុធាយ បិណ្ឌំ ទត្វាន, បាណិកម្មំ អកាសហំ។
Sudhāya piṇḍaṃ datvāna, pāṇikammaṃ akāsahaṃ.
២៧.
27.
‘‘ទិស្វា តំ សុកតំ កម្មំ, អនោមទស្សី នរុត្តមោ;
‘‘Disvā taṃ sukataṃ kammaṃ, anomadassī naruttamo;
ភិក្ខុសង្ឃេ ឋិតោ សត្ថា, ឥមំ គាថំ អភាសថ។
Bhikkhusaṅghe ṭhito satthā, imaṃ gāthaṃ abhāsatha.
២៨.
28.
‘‘‘ឥមិនា សុធកម្មេន, ចេតនាបណិធីហិ ច;
‘‘‘Iminā sudhakammena, cetanāpaṇidhīhi ca;
សម្បត្តិំ អនុភោត្វាន, ទុក្ខស្សន្តំ ករិស្សតិ’។
Sampattiṃ anubhotvāna, dukkhassantaṃ karissati’.
២៩.
29.
‘‘បសន្នមុខវណ្ណោម្ហិ , ឯកគ្គោ សុសមាហិតោ;
‘‘Pasannamukhavaṇṇomhi , ekaggo susamāhito;
ធារេមិ អន្តិមំ ទេហំ, សម្មាសម្ពុទ្ធសាសនេ។
Dhāremi antimaṃ dehaṃ, sammāsambuddhasāsane.
៣០.
30.
រាជា សព្ពឃនោ នាម, ចក្កវត្តី មហព្ពលោ។
Rājā sabbaghano nāma, cakkavattī mahabbalo.
៣១.
31.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា អនុលេបទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā anulepadāyako thero imā gāthāyo abhāsitthāti.
អនុលេបទាយកត្ថេរស្សាបទានំ ឆដ្ឋំ។
Anulepadāyakattherassāpadānaṃ chaṭṭhaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៦. អនុលេបទាយកត្ថេរអបទានវណ្ណនា • 6. Anulepadāyakattheraapadānavaṇṇanā
