| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၁၃. အန္တရာယေ အနာပတ္တိဝသ္သစ္ဆေဒကထာ
113. Antarāye anāpattivassacchedakathā
၂၀၁. အဝိဒူရေတိ အာသန္နေ။ တတ္ထာတိ ဂာမေ။ သတ္တာဟဝာရေနာတိ သတ္တာဟေ ဧကဝာရေန။ အရုဏော ဥဋ္ဌာပေတဗ္ဗောတိ ဝိဟာရေ အရုဏော ဥဋ္ဌာပေတဗ္ဗော။ တတ္ရေဝာတိ ဂာမေယေဝ။ မယန္တိ ဘိက္ခူ သန္ဓာယ ဝုတ္တံ။ ပုန မယန္တိ မနုသ္သေ သန္ဓာယ ဝုတ္တံ။ တေသံယေဝာတိ ဝသ္သစ္ဆေဒဘိက္ခူနံ ဧဝ။ တန္တိ သလာကဘတ္တာဒိံ။ ဝသ္သဂ္ဂေနာတိ ဝသ္သဂဏနာယ။
201.Avidūreti āsanne. Tatthāti gāme. Sattāhavārenāti sattāhe ekavārena. Aruṇo uṭṭhāpetabboti vihāre aruṇo uṭṭhāpetabbo. Tatrevāti gāmeyeva. Mayanti bhikkhū sandhāya vuttaṃ. Puna mayanti manusse sandhāya vuttaṃ. Tesaṃyevāti vassacchedabhikkhūnaṃ eva. Tanti salākabhattādiṃ. Vassaggenāti vassagaṇanāya.
ဝသ္သာဝာသိကန္တိ ဝသ္သာဝာသာနံ ဒာတဗ္ဗံ စီဝရံ။ တတ္ထာတိ တသ္မိံ ဝိဟာရေ။ ယေသံ ပာပိတန္တိ သမ္ဗန္ဓော။ ဝိဟာရေတိ ဝုဋ္ဌိတဂာမဝိဟာရေ။ ဥပနိက္ခိတ္တကံ ဘဏ္ဍန္တိ သမ္ဗန္ဓော။ ဣဓာတိ ဘိက္ခုနော နိဝာသဋ္ဌာနေ။ ယံ စီဝရာဒိဝေဘင္ဂိယဘဏ္ဍံ အတ္ထိ, တန္တိ ယောဇနာ။ တတ္ထေဝာတိ ဝုဋ္ဌိတဂာမဝိဟာရေ ဧဝ။ ဣတောတိ ခေတ္တဝတ္ထုအာဒိတော။ ကပ္ပိယကာရကာနံ ဟတ္ထေတိ သမ္ဗန္ဓော။ တတ္ရုပ္ပာဒေပီတိ တသ္သ ဝိဟာရသ္သ ဒိန္နခေတ္တဝတ္ထုအာဒိတော ဥပ္ပာဒေ ပစ္စယေပိ။ ‘‘တတ္ထေဝ ဂန္တ္ဝာ အပလောကေတ္ဝာ ဘာဇေတဗ္ဗ’’န္တိ ဝစနသ္သ ယုတ္တိံ ဒသ္သေန္တော အာဟ ‘‘သင္ဃိကဉ္ဟီ’’တိအာဒိ။ အန္တောဝိဟာရေ ဝာတိ အန္တောသီမာယ ဝာ။ ဥဘယတ္ထာတိ အန္တောသီမဗဟိသီမ သင္ခာတေသု ဒ္ဝီသု ဌာနေသု ဌိတံ ဝေဘင္ဂိယဘဏ္ဍန္တိ သမ္ဗန္ဓော။
Vassāvāsikanti vassāvāsānaṃ dātabbaṃ cīvaraṃ. Tatthāti tasmiṃ vihāre. Yesaṃ pāpitanti sambandho. Vihāreti vuṭṭhitagāmavihāre. Upanikkhittakaṃ bhaṇḍanti sambandho. Idhāti bhikkhuno nivāsaṭṭhāne. Yaṃ cīvarādivebhaṅgiyabhaṇḍaṃ atthi, tanti yojanā. Tatthevāti vuṭṭhitagāmavihāre eva. Itoti khettavatthuādito. Kappiyakārakānaṃ hattheti sambandho. Tatruppādepīti tassa vihārassa dinnakhettavatthuādito uppāde paccayepi. ‘‘Tattheva gantvā apaloketvā bhājetabba’’nti vacanassa yuttiṃ dassento āha ‘‘saṅghikañhī’’tiādi. Antovihāre vāti antosīmāya vā. Ubhayatthāti antosīmabahisīma saṅkhātesu dvīsu ṭhānesu ṭhitaṃ vebhaṅgiyabhaṇḍanti sambandho.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၁၃. အန္တရာယေ အနာပတ္တိဝသ္သစ္ဆေဒဝာရော • 113. Antarāye anāpattivassacchedavāro
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / အန္တရာယေအနာပတ္တိဝသ္သစ္ဆေဒကထာ • Antarāyeanāpattivassacchedakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အန္တရာယေ အနာပတ္တိဝသ္သစ္ဆေဒကထာဝဏ္ဏနာ • Antarāye anāpattivassacchedakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အန္တရာယေအနာပတ္တိဝသ္သစ္ဆေဒကထာဝဏ္ဏနာ • Antarāyeanāpattivassacchedakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အန္တရာယေအနာပတ္တိဝသ္သစ္ဆေဒကထာဝဏ္ဏနာ • Antarāyeanāpattivassacchedakathāvaṇṇanā
