| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၁၄. သင္ဃဘေဒေ အနာပတ္တိဝသ္သစ္ဆေဒကထာ
114. Saṅghabhede anāpattivassacchedakathā
၂၀၂. ဘိန္နောတိ ဧတ္ထ တပစ္စယသ္သ အတီတတ္ထေ အယုတ္တဘာဝံ ဒသ္သေန္တော အာဟ ‘‘ဘိန္နေ သင္ဃေ ကရဏီယံ နတ္ထီ’’တိ။ ယော ပနာတိ သင္ဃော ပန။ ဣဒံ ‘‘ဘိဇ္ဇိသ္သတီ’’တိပဒေ ကတ္တာ, ‘‘အာသင္ကိတော’’တိပဒေ ကမ္မံ။ ‘‘ဘိဇ္ဇိသ္သတီ’’တိ ဣမိနာ ဘိန္နောတိ ဧတ္ထ တပစ္စယသ္သ အနာဂတတ္ထေ ပဝတ္တဘာဝံ ဒသ္သေတိ။ ဘိက္ခုနီဟိ သင္ဃော ဘိန္နောတိ ဧတ္ထ ကိံ ဘိက္ခုနီဟိ သင္ဃော ဘိန္နောတိ ဒဋ္ဌဗ္ဗောတိ အာဟ ‘‘န ဘိက္ခုနီဟိ သင္ဃော ဘိန္နောတိ ဒဋ္ဌဗ္ဗော’’တိ။ ဧတန္တိ ဘိက္ခုနီဟိ အဘိန္နဘာဝံ။ ဧတာ ပနာတိ ဘိက္ခုနိယော ပန။ တန္တိ သင္ဃံ။ ဧတန္တိ ‘‘သမ္ဗဟုလာဟိ ဘိက္ခုနီဟိ သင္ဃော ဘိန္နော’’တိ ဝစနံ။
202.Bhinnoti ettha tapaccayassa atītatthe ayuttabhāvaṃ dassento āha ‘‘bhinne saṅghe karaṇīyaṃ natthī’’ti. Yo panāti saṅgho pana. Idaṃ ‘‘bhijjissatī’’tipade kattā, ‘‘āsaṅkito’’tipade kammaṃ. ‘‘Bhijjissatī’’ti iminā bhinnoti ettha tapaccayassa anāgatatthe pavattabhāvaṃ dasseti. Bhikkhunīhi saṅgho bhinnoti ettha kiṃ bhikkhunīhi saṅgho bhinnoti daṭṭhabboti āha ‘‘na bhikkhunīhi saṅgho bhinnoti daṭṭhabbo’’ti. Etanti bhikkhunīhi abhinnabhāvaṃ. Etā panāti bhikkhuniyo pana. Tanti saṅghaṃ. Etanti ‘‘sambahulāhi bhikkhunīhi saṅgho bhinno’’ti vacanaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၁၄. သင္ဃဘေဒေ အနာပတ္တိဝသ္သစ္ဆေဒဝာရော • 114. Saṅghabhede anāpattivassacchedavāro
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / သင္ဃဘေဒေအနာပတ္တိဝသ္သစ္ဆေဒကထာ • Saṅghabhedeanāpattivassacchedakathā
