| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൫. അഞ്ഞോ അനുസയോതികഥാവണ്ണനാ
5. Añño anusayotikathāvaṇṇanā
൭൦൦-൭൦൧. ഇദാനി അഞ്ഞോ അനുസയോതികഥാ നാമ ഹോതി. തത്ഥ യസ്മാ പുഥുജ്ജനോ കുസലാബ്യാകതേ ചിത്തേ വത്തമാനേ സാനുസയോതി വത്തബ്ബോ, ന പരിയുട്ഠിതോതി തസ്മാ അഞ്ഞോ അനുസയോ, അഞ്ഞം പരിയുട്ഠാനന്തി യേസം ലദ്ധി, സേയ്യഥാപി അന്ധകാനം; തേ സന്ധായ അഞ്ഞോ കാമരാഗാനുസയോതി പുച്ഛാ സകവാദിസ്സ പടിഞ്ഞാ ഇതരസ്സ. സേസം ഹേട്ഠാ അനുസയകഥായം വുത്തനയേനേവ വേദിതബ്ബം. സാനുസയോതിആദി പന തസ്മിം സമയേ അനുസയസ്സ അപ്പഹീനത്താ സാനുസയോതി വത്തബ്ബതം, അനുപ്പന്നത്താ ച പരിയുട്ഠിതോതി അവത്തബ്ബതം ദീപേതി, ന അനുസയപരിയുട്ഠാനാനം അഞ്ഞത്തം, തസ്മാ അസാധകന്തി.
700-701. Idāni añño anusayotikathā nāma hoti. Tattha yasmā puthujjano kusalābyākate citte vattamāne sānusayoti vattabbo, na pariyuṭṭhitoti tasmā añño anusayo, aññaṃ pariyuṭṭhānanti yesaṃ laddhi, seyyathāpi andhakānaṃ; te sandhāya añño kāmarāgānusayoti pucchā sakavādissa paṭiññā itarassa. Sesaṃ heṭṭhā anusayakathāyaṃ vuttanayeneva veditabbaṃ. Sānusayotiādi pana tasmiṃ samaye anusayassa appahīnattā sānusayoti vattabbataṃ, anuppannattā ca pariyuṭṭhitoti avattabbataṃ dīpeti, na anusayapariyuṭṭhānānaṃ aññattaṃ, tasmā asādhakanti.
അഞ്ഞോ അനുസയോതികഥാവണ്ണനാ.
Añño anusayotikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൪൦) ൫. അഞ്ഞോ അനുസയോതികഥാ • (140) 5. Añño anusayotikathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൫. അഞ്ഞോഅനുസയോതികഥാവണ്ണനാ • 5. Aññoanusayotikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൫. അഞ്ഞോഅനുസയോതികഥാവണ്ണനാ • 5. Aññoanusayotikathāvaṇṇanā
