| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. အညိန္ဒ္ရိယသုတ္တဝဏ္ဏနာ
3. Aññindriyasuttavaṇṇanā
၄၉၃. တတိယေ အနညာတညသ္သာမီတိန္ဒ္ရိယန္တိ ‘‘အနမတဂ္ဂေ သံသာရေ အဇာနိတပုဗ္ဗံ ဓမ္မံ ဇာနိသ္သာမီ’’တိ ပဋိပန္နသ္သ သောတာပတ္တိမဂ္ဂက္ခဏေ ဥပ္ပန္နံ ဣန္ဒ္ရိယံ။ အညိန္ဒ္ရိယန္တိ တေသံယေဝ ဉာတဓမ္မာနံ အာဇာနနာကာရေန သောတာပတ္တိဖလာဒီသု ဆသု ဌာနေသု ဥပ္ပန္နံ ဣန္ဒ္ရိယံ။ အညာတာဝိန္ဒ္ရိယန္တိ အညာတာဝီသု အရဟတ္တဖလဓမ္မေသု ဥပ္ပန္နံ ဣန္ဒ္ရိယံ။ တတ္ထ တတ္ထ တေန တေနာကာရေန ဥပ္ပန္နသ္သ ဉာဏသ္သေဝေတံ အဓိဝစနံ။ ဣဒမ္ပိ သုတ္တံ အတ္ထုပ္ပတ္တိကမေဝ။ သင္ဃမဇ္ဈသ္မိဉ္ဟိ ‘‘ကတိ နု ခော လောကုတ္တရိန္ဒ္ရိယာနီ’’တိ ကထာ ဥဒပာဒိ, အထ ဘဂဝာ တာနိ ဒသ္သေန္တော တီဏိမာနိ, ဘိက္ခဝေ, ဣန္ဒ္ရိယာနီတိအာဒိမာဟ။
493. Tatiye anaññātaññassāmītindriyanti ‘‘anamatagge saṃsāre ajānitapubbaṃ dhammaṃ jānissāmī’’ti paṭipannassa sotāpattimaggakkhaṇe uppannaṃ indriyaṃ. Aññindriyanti tesaṃyeva ñātadhammānaṃ ājānanākārena sotāpattiphalādīsu chasu ṭhānesu uppannaṃ indriyaṃ. Aññātāvindriyanti aññātāvīsu arahattaphaladhammesu uppannaṃ indriyaṃ. Tattha tattha tena tenākārena uppannassa ñāṇassevetaṃ adhivacanaṃ. Idampi suttaṃ atthuppattikameva. Saṅghamajjhasmiñhi ‘‘kati nu kho lokuttarindriyānī’’ti kathā udapādi, atha bhagavā tāni dassento tīṇimāni, bhikkhave, indriyānītiādimāha.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. အညိန္ဒ္ရိယသုတ္တံ • 3. Aññindriyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. အညိန္ဒ္ရိယသုတ္တဝဏ္ဏနာ • 3. Aññindriyasuttavaṇṇanā
