| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩. అఞ్ఞిన్ద్రియసుత్తవణ్ణనా
3. Aññindriyasuttavaṇṇanā
౪౯౩. తతియే అనఞ్ఞాతఞ్ఞస్సామీతిన్ద్రియన్తి ‘‘అనమతగ్గే సంసారే అజానితపుబ్బం ధమ్మం జానిస్సామీ’’తి పటిపన్నస్స సోతాపత్తిమగ్గక్ఖణే ఉప్పన్నం ఇన్ద్రియం. అఞ్ఞిన్ద్రియన్తి తేసంయేవ ఞాతధమ్మానం ఆజాననాకారేన సోతాపత్తిఫలాదీసు ఛసు ఠానేసు ఉప్పన్నం ఇన్ద్రియం. అఞ్ఞాతావిన్ద్రియన్తి అఞ్ఞాతావీసు అరహత్తఫలధమ్మేసు ఉప్పన్నం ఇన్ద్రియం. తత్థ తత్థ తేన తేనాకారేన ఉప్పన్నస్స ఞాణస్సేవేతం అధివచనం. ఇదమ్పి సుత్తం అత్థుప్పత్తికమేవ. సఙ్ఘమజ్ఝస్మిఞ్హి ‘‘కతి ను ఖో లోకుత్తరిన్ద్రియానీ’’తి కథా ఉదపాది, అథ భగవా తాని దస్సేన్తో తీణిమాని, భిక్ఖవే, ఇన్ద్రియానీతిఆదిమాహ.
493. Tatiye anaññātaññassāmītindriyanti ‘‘anamatagge saṃsāre ajānitapubbaṃ dhammaṃ jānissāmī’’ti paṭipannassa sotāpattimaggakkhaṇe uppannaṃ indriyaṃ. Aññindriyanti tesaṃyeva ñātadhammānaṃ ājānanākārena sotāpattiphalādīsu chasu ṭhānesu uppannaṃ indriyaṃ. Aññātāvindriyanti aññātāvīsu arahattaphaladhammesu uppannaṃ indriyaṃ. Tattha tattha tena tenākārena uppannassa ñāṇassevetaṃ adhivacanaṃ. Idampi suttaṃ atthuppattikameva. Saṅghamajjhasmiñhi ‘‘kati nu kho lokuttarindriyānī’’ti kathā udapādi, atha bhagavā tāni dassento tīṇimāni, bhikkhave, indriyānītiādimāha.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. అఞ్ఞిన్ద్రియసుత్తం • 3. Aññindriyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. అఞ్ఞిన్ద్రియసుత్తవణ్ణనా • 3. Aññindriyasuttavaṇṇanā
