| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. অঞ্ঞিন্দ্রিযসুত্তৰণ্ণনা
3. Aññindriyasuttavaṇṇanā
৪৯৩. ততিযে অনঞ্ঞাতঞ্ঞস্সামীতিন্দ্রিযন্তি ‘‘অনমতগ্গে সংসারে অজানিতপুব্বং ধম্মং জানিস্সামী’’তি পটিপন্নস্স সোতাপত্তিমগ্গক্খণে উপ্পন্নং ইন্দ্রিযং। অঞ্ঞিন্দ্রিযন্তি তেসংযেৰ ঞাতধম্মানং আজাননাকারেন সোতাপত্তিফলাদীসু ছসু ঠানেসু উপ্পন্নং ইন্দ্রিযং। অঞ্ঞাতাৰিন্দ্রিযন্তি অঞ্ঞাতাৰীসু অরহত্তফলধম্মেসু উপ্পন্নং ইন্দ্রিযং। তত্থ তত্থ তেন তেনাকারেন উপ্পন্নস্স ঞাণস্সেৰেতং অধিৰচনং। ইদম্পি সুত্তং অত্থুপ্পত্তিকমেৰ। সঙ্ঘমজ্ঝস্মিঞ্হি ‘‘কতি নু খো লোকুত্তরিন্দ্রিযানী’’তি কথা উদপাদি, অথ ভগৰা তানি দস্সেন্তো তীণিমানি, ভিক্খৰে, ইন্দ্রিযানীতিআদিমাহ।
493. Tatiye anaññātaññassāmītindriyanti ‘‘anamatagge saṃsāre ajānitapubbaṃ dhammaṃ jānissāmī’’ti paṭipannassa sotāpattimaggakkhaṇe uppannaṃ indriyaṃ. Aññindriyanti tesaṃyeva ñātadhammānaṃ ājānanākārena sotāpattiphalādīsu chasu ṭhānesu uppannaṃ indriyaṃ. Aññātāvindriyanti aññātāvīsu arahattaphaladhammesu uppannaṃ indriyaṃ. Tattha tattha tena tenākārena uppannassa ñāṇassevetaṃ adhivacanaṃ. Idampi suttaṃ atthuppattikameva. Saṅghamajjhasmiñhi ‘‘kati nu kho lokuttarindriyānī’’ti kathā udapādi, atha bhagavā tāni dassento tīṇimāni, bhikkhave, indriyānītiādimāha.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. অঞ্ঞিন্দ্রিযসুত্তং • 3. Aññindriyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. অঞ্ঞিন্দ্রিযসুত্তৰণ্ণনা • 3. Aññindriyasuttavaṇṇanā
