| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
២. អញ្ញវាទកសិក្ខាបទំ
2. Aññavādakasikkhāpadaṃ
៩៤. ទុតិយេ អនាចារន្តិ អចរិតព្ពំ កាយវចីទ្វារវីតិក្កមំ។ សព្ពនាមស្ស អនិយមត្ថត្តា ឥធ វចនន្តិ អាហ ‘‘អញ្ញេន វចនេន អញ្ញំ វចន’’ន្តិ។ សោតិ ភិក្ខុ, វទតីតិ សម្ពន្ធោ។ កោតិ កោ បុគ្គលោ។ កិន្តិ កិំ អាបត្តិំ។ កិស្មិន្តិ កិស្មិំ វត្ថុស្មិំ។ កិន្តិ កិំ កម្មំ។ កន្តិ កំ បុគ្គលំ។ កិន្តិ កិំ វចនំ។
94. Dutiye anācāranti acaritabbaṃ kāyavacīdvāravītikkamaṃ. Sabbanāmassa aniyamatthattā idha vacananti āha ‘‘aññena vacanena aññaṃ vacana’’nti. Soti bhikkhu, vadatīti sambandho. Koti ko puggalo. Kinti kiṃ āpattiṃ. Kisminti kismiṃ vatthusmiṃ. Kinti kiṃ kammaṃ. Kanti kaṃ puggalaṃ. Kinti kiṃ vacanaṃ.
ឯត្ថាតិ ‘‘កោ អាបន្នោ’’តិអាទិបាឡិយំ។ ‘‘ភិក្ខូហី’’តិ បទំ ‘‘វុត្តោ’’តិ បទេ កត្តា។ អសារុប្បន្តិ ភិក្ខូនំ អសារុប្បំ។ ឯសោតិ ឯសោ អត្ថោ, វិភវោតិ អត្ថោ។ ឯតន្តិ វត្ថុ។ ភណន្តោ វា ហុត្វា អញ្ញេនញ្ញំ បដិចរតីតិ សម្ពន្ធោ។ ឯត្ថាតិ បដិច្ឆន្នាសនេ។ សោតន្តិ សោតទ្វារំ។ ចក្ខុន្តិ ចក្ខុទ្វារំ។
Etthāti ‘‘ko āpanno’’tiādipāḷiyaṃ. ‘‘Bhikkhūhī’’ti padaṃ ‘‘vutto’’ti pade kattā. Asāruppanti bhikkhūnaṃ asāruppaṃ. Esoti eso attho, vibhavoti attho. Etanti vatthu. Bhaṇanto vā hutvā aññenaññaṃ paṭicaratīti sambandho. Etthāti paṭicchannāsane. Sotanti sotadvāraṃ. Cakkhunti cakkhudvāraṃ.
៩៨. អញ្ញន្តិ បុច្ឆិតត្ថតោ អញ្ញំ អបុច្ឆិតមត្ថំ។ ភាវប្បធានោយំ កត្តុនិទ្ទេសោតិ អាហ ‘‘អញ្ញេនញ្ញំ បដិចរណស្សេតំ នាម’’ន្តិ។ តុណ្ហីភាវស្សាតិ អភាសនស្ស។ អាត្យូបសគ្គោ លុត្តនិទ្ទិដ្ឋោតិ អាហ ‘‘អារោបេតូ’’តិ។ ឯវំ ‘‘អរោបិតេ’’តិ ឯត្ថបិ។ តេនាហ ‘‘អនារោបិតេ’’តិ។
98.Aññanti pucchitatthato aññaṃ apucchitamatthaṃ. Bhāvappadhānoyaṃ kattuniddesoti āha ‘‘aññenaññaṃ paṭicaraṇassetaṃ nāma’’nti. Tuṇhībhāvassāti abhāsanassa. Ātyūpasaggo luttaniddiṭṭhoti āha ‘‘āropetū’’ti. Evaṃ ‘‘aropite’’ti etthapi. Tenāha ‘‘anāropite’’ti.
១០១. តន្តិ អញ្ញវាទកវិហេសករោបនកម្មំ។ អស្សាតិ ភវេយ្យ, ហោតិ វា។
101.Tanti aññavādakavihesakaropanakammaṃ. Assāti bhaveyya, hoti vā.
១០២. កិន្តិ កិំ វចនំ។ យេនាតិ យេន ព្យាធិនា កថេតុំ ន សក្កោតិ, តាទិសោ ព្យាធិ មុខេ ហោតីតិ យោជនា។ តប្បច្ចយាតិ តតោ កថិតការណាតិ។ ទុតិយំ។
102.Kinti kiṃ vacanaṃ. Yenāti yena byādhinā kathetuṃ na sakkoti, tādiso byādhi mukhe hotīti yojanā. Tappaccayāti tato kathitakāraṇāti. Dutiyaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ភូតគាមវគ្គោ • 2. Bhūtagāmavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. អញ្ញវាទកសិក្ខាបទវណ្ណនា • 2. Aññavādakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ២. អញ្ញវាទកសិក្ខាបទវណ្ណនា • 2. Aññavādakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ២. អញ្ញវាទកសិក្ខាបទវណ្ណនា • 2. Aññavādakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. អញ្ញវាទកសិក្ខាបទវណ្ណនា • 2. Aññavādakasikkhāpadavaṇṇanā
