| Library / Tipiṭaka / તિપિટક • Tipiṭaka / થેરીગાથાપાળિ • Therīgāthāpāḷi |
૫. પઞ્ચકનિપાતો
5. Pañcakanipāto
૧. અઞ્ઞતરાથેરીગાથા
1. Aññatarātherīgāthā
૬૭.
67.
‘‘પણ્ણવીસતિવસ્સાનિ , યતો પબ્બજિતા અહં;
‘‘Paṇṇavīsativassāni , yato pabbajitā ahaṃ;
નાચ્છરાસઙ્ઘાતમત્તમ્પિ, ચિત્તસ્સૂપસમજ્ઝગં.
Nāccharāsaṅghātamattampi, cittassūpasamajjhagaṃ.
૬૮.
68.
‘‘અલદ્ધા ચેતસો સન્તિં, કામરાગેનવસ્સુતા;
‘‘Aladdhā cetaso santiṃ, kāmarāgenavassutā;
બાહા પગ્ગય્હ કન્દન્તી, વિહારં પાવિસિં અહં.
Bāhā paggayha kandantī, vihāraṃ pāvisiṃ ahaṃ.
૬૯.
69.
‘‘સા ભિક્ખુનિં ઉપાગચ્છિં, યા મે સદ્ધાયિકા અહુ;
‘‘Sā bhikkhuniṃ upāgacchiṃ, yā me saddhāyikā ahu;
સા મે ધમ્મમદેસેસિ, ખન્ધાયતનધાતુયો.
Sā me dhammamadesesi, khandhāyatanadhātuyo.
૭૦.
70.
‘‘તસ્સા ધમ્મં સુણિત્વાન, એકમન્તે ઉપાવિસિં;
‘‘Tassā dhammaṃ suṇitvāna, ekamante upāvisiṃ;
પુબ્બેનિવાસં જાનામિ, દિબ્બચક્ખુ વિસોધિતં.
Pubbenivāsaṃ jānāmi, dibbacakkhu visodhitaṃ.
૭૧.
71.
ઇદ્ધીપિ મે સચ્છિકતા, પત્તો મે આસવક્ખયો;
Iddhīpi me sacchikatā, patto me āsavakkhayo;
છળભિઞ્ઞા 3 સચ્છિકતા, કતં બુદ્ધસ્સ સાસન’’ન્તિ.
Chaḷabhiññā 4 sacchikatā, kataṃ buddhassa sāsana’’nti.
… અઞ્ઞતરા થેરી ….
… Aññatarā therī ….
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / થેરીગાથા-અટ્ઠકથા • Therīgāthā-aṭṭhakathā / ૧. અઞ્ઞતરાથેરીગાથાવણ્ણના • 1. Aññatarātherīgāthāvaṇṇanā
