| Library / Tipiṭaka / તિપિટક • Tipiṭaka / થેરીગાથાપાળિ • Therīgāthāpāḷi |
૨. વિમલાથેરીગાથા
2. Vimalātherīgāthā
૭૨.
72.
‘‘મત્તા વણ્ણેન રૂપેન, સોભગ્ગેન યસેન ચ;
‘‘Mattā vaṇṇena rūpena, sobhaggena yasena ca;
યોબ્બનેન ચુપત્થદ્ધા, અઞ્ઞાસમતિમઞ્ઞિહં.
Yobbanena cupatthaddhā, aññāsamatimaññihaṃ.
૭૩.
73.
‘‘વિભૂસેત્વા ઇમં કાયં, સુચિત્તં બાલલાપનં;
‘‘Vibhūsetvā imaṃ kāyaṃ, sucittaṃ bālalāpanaṃ;
અટ્ઠાસિં વેસિદ્વારમ્હિ, લુદ્દો પાસમિવોડ્ડિય.
Aṭṭhāsiṃ vesidvāramhi, luddo pāsamivoḍḍiya.
૭૪.
74.
‘‘પિલન્ધનં વિદંસેન્તી, ગુય્હં પકાસિકં બહું;
‘‘Pilandhanaṃ vidaṃsentī, guyhaṃ pakāsikaṃ bahuṃ;
અકાસિં વિવિધં માયં, ઉજ્જગ્ઘન્તી બહું જનં.
Akāsiṃ vividhaṃ māyaṃ, ujjagghantī bahuṃ janaṃ.
૭૫.
75.
‘‘સાજ્જ પિણ્ડં ચરિત્વાન, મુણ્ડા સઙ્ઘાટિપારુતા;
‘‘Sājja piṇḍaṃ caritvāna, muṇḍā saṅghāṭipārutā;
નિસિન્ના રુક્ખમૂલમ્હિ, અવિતક્કસ્સ લાભિની.
Nisinnā rukkhamūlamhi, avitakkassa lābhinī.
૭૬.
76.
‘‘સબ્બે યોગા સમુચ્છિન્ના, યે દિબ્બા યે ચ માનુસા;
‘‘Sabbe yogā samucchinnā, ye dibbā ye ca mānusā;
ખેપેત્વા આસવે સબ્બે, સીતિભૂતામ્હિ નિબ્બુતા’’તિ.
Khepetvā āsave sabbe, sītibhūtāmhi nibbutā’’ti.
… વિમલા પુરાણગણિકા થેરી….
… Vimalā purāṇagaṇikā therī….
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / થેરીગાથા-અટ્ઠકથા • Therīgāthā-aṭṭhakathā / ૨. વિમલાથેરીગાથાવણ્ણના • 2. Vimalātherīgāthāvaṇṇanā
