| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
24. අඤ්ජනීනිද්දෙසො
24. Añjanīniddeso
අඤ්ජනීති –
Añjanīti –
182.
182.
වට්ටාට්ඨසොළසංසා වා, මට්ඨා වට්ටති අඤ්ජනී;
Vaṭṭāṭṭhasoḷasaṃsā vā, maṭṭhā vaṭṭati añjanī;
තිස්සොපි මූලෙ ගීවායං, ලෙඛා එකාව බන්ධිතුං.
Tissopi mūle gīvāyaṃ, lekhā ekāva bandhituṃ.
183.
183.
යං කිඤ්චි රූපං මාලාදිකම්මං මකරදන්තකං;
Yaṃ kiñci rūpaṃ mālādikammaṃ makaradantakaṃ;
ගොමුත්තකඩ්ඪචන්දාදි-විකාරං නෙත්ථ වට්ටති.
Gomuttakaḍḍhacandādi-vikāraṃ nettha vaṭṭati.
184.
184.
ලබ්භෙකවණ්ණසුත්තෙන, සිබ්බිතුං ථවිකා තථා;
Labbhekavaṇṇasuttena, sibbituṃ thavikā tathā;
සිපාටි කුඤ්චිකාකොසො, සලාකාපි අචිත්තකා.
Sipāṭi kuñcikākoso, salākāpi acittakā.
185.
185.
සඞ්ඛනාභිවිසාණට්ඨි-නළදන්තමයා තථා;
Saṅkhanābhivisāṇaṭṭhi-naḷadantamayā tathā;
ඵලකට්ඨමයා වෙළු-ලාඛාලොහමයාපි ච.
Phalakaṭṭhamayā veḷu-lākhālohamayāpi ca.
186.
186.
අඤ්ජනියො සලාකායො, ධූමනෙත්තා ච ලබ්භරෙ;
Añjaniyo salākāyo, dhūmanettā ca labbhare;
තථා සත්ථකදණ්ඩානි, නත්ථුදානා ච තම්මයාති.
Tathā satthakadaṇḍāni, natthudānā ca tammayāti.
