| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. ཨནིཙྩསུཏྟཾ
3. Aniccasuttaṃ
༤༥. སཱཝཏྠིནིདཱནཾ། ‘‘རཱུཔཾ, བྷིཀྑཝེ, ཨནིཙྩཾ། ཡདནིཙྩཾ ཏཾ དུཀྑཾ ; ཡཾ དུཀྑཾ ཏདནཏྟཱ ; ཡདནཏྟཱ ཏཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ། ཨེཝམེཏཾ ཡཐཱབྷཱུཏཾ སམྨཔྤཉྙཱཡ པསྶཏོ ཙིཏྟཾ ཝིརཛྫཏི ཝིམུཙྩཏི ཨནུཔཱདཱཡ ཨཱསཝེཧི། ཝེདནཱ ཨནིཙྩཱ… སཉྙཱ… སངྑཱརཱ… ཝིཉྙཱཎཾ ཨནིཙྩཾ། ཡདནིཙྩཾ ཏཾ དུཀྑཾ; ཡཾ དུཀྑཾ ཏདནཏྟཱ; ཡདནཏྟཱ ཏཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ། ཨེཝམེཏཾ ཡཐཱབྷཱུཏཾ སམྨཔྤཉྙཱཡ པསྶཏོ ཙིཏྟཾ ཝིརཛྫཏི ཝིམུཙྩཏི ཨནུཔཱདཱཡ ཨཱསཝེཧི། རཱུཔདྷཱཏུཡཱ ཙེ, བྷིཀྑཝེ, བྷིཀྑུནོ ཙིཏྟཾ ཝིརཏྟཾ ཝིམུཏྟཾ ཧོཏི ཨནུཔཱདཱཡ ཨཱསཝེཧི, ཝེདནཱདྷཱཏུཡཱ…པེ॰… སཉྙཱདྷཱཏུཡཱ… སངྑཱརདྷཱཏུཡཱ… ཝིཉྙཱཎདྷཱཏུཡཱ ཙེ, བྷིཀྑཝེ, བྷིཀྑུནོ ཙིཏྟཾ ཝིརཏྟཾ ཝིམུཏྟཾ ཧོཏི ཨནུཔཱདཱཡ ཨཱསཝེཧི། ཝིམུཏྟཏྟཱ ཋིཏཾ། ཋིཏཏྟཱ སནྟུསིཏཾ 1། སནྟུསིཏཏྟཱ ན པརིཏསྶཏི། ཨཔརིཏསྶཾ པཙྩཏྟཉྙེཝ པརིནིབྦཱཡཏི། ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི། ཏཏིཡཾ།
45. Sāvatthinidānaṃ. ‘‘Rūpaṃ, bhikkhave, aniccaṃ. Yadaniccaṃ taṃ dukkhaṃ ; yaṃ dukkhaṃ tadanattā ; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya passato cittaṃ virajjati vimuccati anupādāya āsavehi. Vedanā aniccā… saññā… saṅkhārā… viññāṇaṃ aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya passato cittaṃ virajjati vimuccati anupādāya āsavehi. Rūpadhātuyā ce, bhikkhave, bhikkhuno cittaṃ virattaṃ vimuttaṃ hoti anupādāya āsavehi, vedanādhātuyā…pe… saññādhātuyā… saṅkhāradhātuyā… viññāṇadhātuyā ce, bhikkhave, bhikkhuno cittaṃ virattaṃ vimuttaṃ hoti anupādāya āsavehi. Vimuttattā ṭhitaṃ. Ṭhitattā santusitaṃ 2. Santusitattā na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Tatiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. ཨནིཙྩསུཏྟཝཎྞནཱ • 3. Aniccasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. ཨནིཙྩསུཏྟཝཎྞནཱ • 3. Aniccasuttavaṇṇanā
