| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. དུཏིཡཨནིཙྩསུཏྟཾ
4. Dutiyaaniccasuttaṃ
༤༦. སཱཝཏྠིནིདཱནཾ། ‘‘རཱུཔཾ, བྷིཀྑཝེ, ཨནིཙྩཾ། ཡདནིཙྩཾ ཏཾ དུཀྑཾ; ཡཾ དུཀྑཾ ཏདནཏྟཱ; ཡདནཏྟཱ ཏཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ། ཝེདནཱ ཨནིཙྩཱ… སཉྙཱ ཨནིཙྩཱ… སངྑཱརཱ ཨནིཙྩཱ… ཝིཉྙཱཎཾ ཨནིཙྩཾ། ཡདནིཙྩཾ ཏཾ དུཀྑཾ; ཡཾ དུཀྑཾ ཏདནཏྟཱ; ཡདནཏྟཱ ཏཾ ‘ནེཏཾ མམ, ནེསོཧམསྨི, ན མེསོ ཨཏྟཱ’ཏི ཨེཝམེཏཾ ཡཐཱབྷཱུཏཾ སམྨཔྤཉྙཱཡ དཊྛབྦཾ’’།
46. Sāvatthinidānaṃ. ‘‘Rūpaṃ, bhikkhave, aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Vedanā aniccā… saññā aniccā… saṅkhārā aniccā… viññāṇaṃ aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ’’.
‘‘ཨེཝམེཏཾ ཡཐཱབྷཱུཏཾ སམྨཔྤཉྙཱཡ པསྶཏོ པུབྦནྟཱནུདིཊྛིཡོ ན ཧོནྟི། པུབྦནྟཱནུདིཊྛཱིནཾ ཨསཏི, ཨཔརནྟཱནུདིཊྛིཡོ ན ཧོནྟི། ཨཔརནྟཱནུདིཊྛཱིནཾ ཨསཏི, ཐཱམསོ 1 པརཱམཱསོ ན ཧོཏི། ཐཱམསེ 2 པརཱམཱསེ ཨསཏི རཱུཔསྨིཾ… ཝེདནཱཡ … སཉྙཱཡ… སངྑཱརེསུ… ཝིཉྙཱཎསྨིཾ ཙིཏྟཾ ཝིརཛྫཏི ཝིམུཙྩཏི ཨནུཔཱདཱཡ ཨཱསཝེཧི། ཝིམུཏྟཏྟཱ ཋིཏཾ། ཋིཏཏྟཱ སནྟུསིཏཾ། སནྟུསིཏཏྟཱ ན པརིཏསྶཏི། ཨཔརིཏསྶཾ པཙྩཏྟཉྙེཝ པརིནིབྦཱཡཏི། ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏཱི’’ཏི། ཙཏུཏྠཾ།
‘‘Evametaṃ yathābhūtaṃ sammappaññāya passato pubbantānudiṭṭhiyo na honti. Pubbantānudiṭṭhīnaṃ asati, aparantānudiṭṭhiyo na honti. Aparantānudiṭṭhīnaṃ asati, thāmaso 3 parāmāso na hoti. Thāmase 4 parāmāse asati rūpasmiṃ… vedanāya … saññāya… saṅkhāresu… viññāṇasmiṃ cittaṃ virajjati vimuccati anupādāya āsavehi. Vimuttattā ṭhitaṃ. Ṭhitattā santusitaṃ. Santusitattā na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Catutthaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤. དུཏིཡཨནིཙྩསུཏྟཝཎྞནཱ • 4. Dutiyaaniccasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. དུཏིཡཨནིཙྩསུཏྟཝཎྞནཱ • 4. Dutiyaaniccasuttavaṇṇanā
