| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
៤. អាមិសសិក្ខាបទវណ្ណនា
4. Āmisasikkhāpadavaṇṇanā
១៦៤. ចតុត្ថសិក្ខាបទេ – ន ពហុកតាតិ ន កតពហុមានា, ន ធម្មេ ពហុមានំ កត្វា ឱវទន្តីតិ អធិប្បាយោ។ ‘‘ភិក្ខុនោវាទកំ អវណ្ណំ កត្តុកាមោ’’តិអាទីនំ ឧជ្ឈាបនកេ វុត្តនយេនេវត្ថោ វេទិតព្ពោ។
164. Catutthasikkhāpade – na bahukatāti na katabahumānā, na dhamme bahumānaṃ katvā ovadantīti adhippāyo. ‘‘Bhikkhunovādakaṃ avaṇṇaṃ kattukāmo’’tiādīnaṃ ujjhāpanake vuttanayenevattho veditabbo.
ឧបសម្បន្នំ សង្ឃេន អសម្មតន្តិ ឯត្ថ អសម្មតោ នាម សម្មតេន វា សង្ឃេន វា ភារំ កត្វា ឋបិតោ វេទិតព្ពោ។ អនុបសម្បន្នំ សម្មតំ វា អសម្មតំ វាតិ ឯត្ថ បន ភិក្ខុកាលេ សម្មុតិំ លភិត្វា សាមណេរភូមិយំ ឋិតោ សម្មតោ, សម្មតេន វា សង្ឃេន វា ឋបិតោ ពហុស្សុតោ សាមណេរោ អសម្មតោតិ វេទិតព្ពោ។ សេសំ វុត្តនយត្តា ឧត្តានមេវ។
Upasampannaṃ saṅghena asammatanti ettha asammato nāma sammatena vā saṅghena vā bhāraṃ katvā ṭhapito veditabbo. Anupasampannaṃ sammataṃ vā asammataṃ vāti ettha pana bhikkhukāle sammutiṃ labhitvā sāmaṇerabhūmiyaṃ ṭhito sammato, sammatena vā saṅghena vā ṭhapito bahussuto sāmaṇero asammatoti veditabbo. Sesaṃ vuttanayattā uttānameva.
តិសមុដ្ឋានំ – កាយចិត្តតោ វាចាចិត្តតោ កាយវាចាចិត្តតោ ច សមុដ្ឋាតិ, កិរិយំ, សញ្ញាវិមោក្ខំ, សចិត្តកំ, លោកវជ្ជំ, កាយកម្មំ, វចីកម្មំ, អកុសលចិត្តំ, ទុក្ខវេទនន្តិ។
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
អាមិសសិក្ខាបទំ ចតុត្ថំ។
Āmisasikkhāpadaṃ catutthaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៣. ឱវាទវគ្គោ • 3. Ovādavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៤. អាមិសសិក្ខាបទវណ្ណនា • 4. Āmisasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៤. អាមិសសិក្ខាបទវណ្ណនា • 4. Āmisasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៤. អាមិសសិក្ខាបទវណ្ណនា • 4. Āmisasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៤. អាមិសសិក្ខាបទំ • 4. Āmisasikkhāpadaṃ
