| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. अम्बयागुदायकत्थेरअपदानं
6. Ambayāgudāyakattheraapadānaṃ
२२.
22.
‘‘सतरंसी नाम सम्बुद्धो, सयम्भू अपराजितो।
‘‘Sataraṃsī nāma sambuddho, sayambhū aparājito;
वुट्ठहित्वा समाधिम्हा, भिक्खाय ममुपागमि॥
Vuṭṭhahitvā samādhimhā, bhikkhāya mamupāgami.
२३.
23.
‘‘पच्चेकबुद्धं दिस्वान, अम्बयागुं अदासहं।
‘‘Paccekabuddhaṃ disvāna, ambayāguṃ adāsahaṃ;
विप्पसन्नमनं तस्स, विप्पसन्नेन चेतसा॥
Vippasannamanaṃ tassa, vippasannena cetasā.
२४.
24.
‘‘चतुन्नवुतितो कप्पे, यं कम्ममकरिं तदा।
‘‘Catunnavutito kappe, yaṃ kammamakariṃ tadā;
दुग्गतिं नाभिजानामि, अम्बयागुयिदं फलं॥
Duggatiṃ nābhijānāmi, ambayāguyidaṃ phalaṃ.
२५.
25.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अम्बयागुदायको थेरो इमा गाथायो अभासित्थाति।
Itthaṃ sudaṃ āyasmā ambayāgudāyako thero imā gāthāyo abhāsitthāti.
अम्बयागुदायकत्थेरस्सापदानं छट्ठं।
Ambayāgudāyakattherassāpadānaṃ chaṭṭhaṃ.
