| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. सुपुटकपूजकत्थेरअपदानं
7. Supuṭakapūjakattheraapadānaṃ
२६.
26.
‘‘दिवाविहारा निक्खन्तो, विपस्सी लोकनायको।
‘‘Divāvihārā nikkhanto, vipassī lokanāyako;
भिक्खाय विचरन्तो सो, मम सन्तिकुपागमि॥
Bhikkhāya vicaranto so, mama santikupāgami.
२७.
27.
‘‘ततो पतीतो सुमनो, बुद्धसेट्ठस्स तादिनो।
‘‘Tato patīto sumano, buddhaseṭṭhassa tādino;
लोणसुपुटकं दत्वा, कप्पं सग्गम्हि मोदहं॥
Loṇasupuṭakaṃ datvā, kappaṃ saggamhi modahaṃ.
२८.
28.
‘‘एकनवुतितो कप्पे, यं पुटकमदासहं।
‘‘Ekanavutito kappe, yaṃ puṭakamadāsahaṃ;
दुग्गतिं नाभिजानामि, पुटकस्स इदं फलं॥
Duggatiṃ nābhijānāmi, puṭakassa idaṃ phalaṃ.
२९.
29.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सुपुटकपूजको थेरो इमा गाथायो अभासित्थाति।
Itthaṃ sudaṃ āyasmā supuṭakapūjako thero imā gāthāyo abhāsitthāti.
सुपुटकपूजकत्थेरस्सापदानं सत्तमं।
Supuṭakapūjakattherassāpadānaṃ sattamaṃ.
