| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. อมฺพผลิยเตฺถรอปทานํ
10. Ambaphaliyattheraapadānaṃ
๘๑.
81.
‘‘ปทุมุตฺตรพุทฺธสฺส , โลกเชฎฺฐสฺส ตาทิโน;
‘‘Padumuttarabuddhassa , lokajeṭṭhassa tādino;
ปิณฺฑาย วิจรนฺตสฺส, ธารโต อุตฺตมํ ยสํฯ
Piṇḍāya vicarantassa, dhārato uttamaṃ yasaṃ.
๘๒.
82.
‘‘อคฺคผลํ คเหตฺวาน, วิปฺปสเนฺนน เจตสา;
‘‘Aggaphalaṃ gahetvāna, vippasannena cetasā;
ทกฺขิเณยฺยสฺส วีรสฺส, อทาสิํ สตฺถุโน อหํฯ
Dakkhiṇeyyassa vīrassa, adāsiṃ satthuno ahaṃ.
๘๓.
83.
ปโตฺตมฺหิ อจลํ ฐานํ, หิตฺวา ชยปราชยํฯ
Pattomhi acalaṃ ṭhānaṃ, hitvā jayaparājayaṃ.
๘๔.
84.
‘‘สตสหสฺสิโต กเปฺป, ยํ ทานมททิํ ตทา;
‘‘Satasahassito kappe, yaṃ dānamadadiṃ tadā;
ทุคฺคติํ นาภิชานามิ, อคฺคทานสฺสิทํ ผลํฯ
Duggatiṃ nābhijānāmi, aggadānassidaṃ phalaṃ.
๘๕.
85.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๘๖.
86.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๘๗.
87.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อมฺพผลิโย เถโร อิมา คาถาโย อภาสิตฺถาติ;
Itthaṃ sudaṃ āyasmā ambaphaliyo thero imā gāthāyo abhāsitthāti;
อมฺพผลิยเตฺถรสฺสาปทานํ ทสมํฯ
Ambaphaliyattherassāpadānaṃ dasamaṃ.
เอกวิหาริวโคฺค จตุจตฺตาลีสโมฯ
Ekavihārivaggo catucattālīsamo.
ตสฺสุทฺทานํ –
Tassuddānaṃ –
เถโร เอกวิหารี จ, สงฺขิโย ปาฎิหีรโก;
Thero ekavihārī ca, saṅkhiyo pāṭihīrako;
ถวิโก อุจฺฉุขณฺฑี จ, กฬมฺพอมฺพาฎกโทฯ
Thaviko ucchukhaṇḍī ca, kaḷambaambāṭakado.
หรีตกมฺพปิณฺฑี จ, อมฺพโท ทสโม ยติ;
Harītakambapiṇḍī ca, ambado dasamo yati;
ฉฬสีติ จ คาถาโย, คณิตาโย วิภาวิภิฯ
Chaḷasīti ca gāthāyo, gaṇitāyo vibhāvibhi.
Footnotes:
