| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. अम्बफलियत्थेरअपदानं
10. Ambaphaliyattheraapadānaṃ
८१.
81.
‘‘पदुमुत्तरबुद्धस्स , लोकजेट्ठस्स तादिनो।
‘‘Padumuttarabuddhassa , lokajeṭṭhassa tādino;
पिण्डाय विचरन्तस्स, धारतो उत्तमं यसं॥
Piṇḍāya vicarantassa, dhārato uttamaṃ yasaṃ.
८२.
82.
‘‘अग्गफलं गहेत्वान, विप्पसन्नेन चेतसा।
‘‘Aggaphalaṃ gahetvāna, vippasannena cetasā;
दक्खिणेय्यस्स वीरस्स, अदासिं सत्थुनो अहं॥
Dakkhiṇeyyassa vīrassa, adāsiṃ satthuno ahaṃ.
८३.
83.
पत्तोम्हि अचलं ठानं, हित्वा जयपराजयं॥
Pattomhi acalaṃ ṭhānaṃ, hitvā jayaparājayaṃ.
८४.
84.
‘‘सतसहस्सितो कप्पे, यं दानमददिं तदा।
‘‘Satasahassito kappe, yaṃ dānamadadiṃ tadā;
दुग्गतिं नाभिजानामि, अग्गदानस्सिदं फलं॥
Duggatiṃ nābhijānāmi, aggadānassidaṃ phalaṃ.
८५.
85.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
८६.
86.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
८७.
87.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अम्बफलियो थेरो इमा गाथायो अभासित्थाति।
Itthaṃ sudaṃ āyasmā ambaphaliyo thero imā gāthāyo abhāsitthāti;
अम्बफलियत्थेरस्सापदानं दसमं।
Ambaphaliyattherassāpadānaṃ dasamaṃ.
एकविहारिवग्गो चतुचत्तालीसमो।
Ekavihārivaggo catucattālīsamo.
तस्सुद्दानं –
Tassuddānaṃ –
थेरो एकविहारी च, सङ्खियो पाटिहीरको।
Thero ekavihārī ca, saṅkhiyo pāṭihīrako;
थविको उच्छुखण्डी च, कळम्बअम्बाटकदो॥
Thaviko ucchukhaṇḍī ca, kaḷambaambāṭakado.
हरीतकम्बपिण्डी च, अम्बदो दसमो यति।
Harītakambapiṇḍī ca, ambado dasamo yati;
छळसीति च गाथायो, गणितायो विभाविभि॥
Chaḷasīti ca gāthāyo, gaṇitāyo vibhāvibhi.
Footnotes:
