| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢༠. ཨམཏཝགྒཝཎྞནཱ
20. Amatavaggavaṇṇanā
༦༠༠-༦༡༡. ཨམཏཾ ཏེ, བྷིཀྑཝེ, ན པརིབྷུཉྫནྟཱིཏི མརཎཝིརཧིཏཾ ནིབྦཱནཾ ན པརིབྷུཉྫནྟཱིཏི ཨཏྠོ། ནནུ ཙ ནིབྦཱནཾ ལོཀུཏྟརཾ, ཀཱཡགཏཱསཏི ལོཀིཡཱ, ཀཐཾ ཏཾ པརིབྷུཉྫནྟཱ ཨམཏཾ པརིབྷུཉྫནྟཱིཏི? ཏཾ བྷཱཝེཏྭཱ ཨདྷིགནྟབྦཏོ། ཀཱཡགཏཉྷི སཏིཾ བྷཱཝེནྟོ ཨམཏམདྷིགཙྪཏི, ཨབྷཱཝེནྟོ ནཱདྷིགཙྪཏི། ཏསྨཱ ཨེཝཾ ཝུཏྟཾ། ཨེཏེནུཔཱཡེན སབྦཏྠ ཨཏྠོ ཝེདིཏབྦོ། ཨཔི ཙེཏྠ ཝིརདྡྷནྟི ཝིརཱདྷིཏཾ ནཱདྷིགཏཾ། ཨཱརདྡྷནྟི པརིཔུཎྞཾ། པམཱདིཾསཱུཏི པམཛྫནྟི། པམུཊྛནྟི སམྨུཊྛཾ ཝིསྶརིཏཾ ནཊྛཾ ཝཱ། ཨཱསེཝིཏནྟི ཨཱདིཏོ སེཝིཏཾ། བྷཱཝིཏནྟི ཝཌྜྷིཏཾ། བཧུལཱིཀཏནྟི པུནཔྤུནཾ ཀཏཾ། ཨནབྷིཉྙཱཏནྟི ཉཱཏཨབྷིཉྙཱཡ ཨཛཱནིཏཾ། ཨཔརིཉྙཱཏནྟི ཉཱཏཔརིཉྙཱཝསེནེཝ ཨཔརིཉྙཱཏཾ། ཨསཙྪིཀཏནྟི ཨཔཙྩཀྑཀཏཾ། སེསཾ སབྦཏྠ ཨུཏྟཱནཏྠམེཝཱཏི།
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
ཨམཏཝགྒཝཎྞནཱ།
Amatavaggavaṇṇanā.
མནོརཐཔཱུརཎིཡཱ ཨངྒུཏྟརནིཀཱཡ-ཨཊྛཀཐཱཡ སཧསྶསུཏྟནྟཔརིམཱཎསྶ
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
ཨེཀཀནིཔཱཏསྶ སཾཝཎྞནཱ ནིཊྛིཏཱ།
Ekakanipātassa saṃvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢༠. ཨམཏཝགྒོ • 20. Amatavaggo
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢༠. ཨམཏཝགྒཝཎྞནཱ • 20. Amatavaggavaṇṇanā
