| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢༠. ཨམཏཝགྒཝཎྞནཱ
20. Amatavaggavaṇṇanā
༦༠༠-༦༡༡. ནཏྠི ཨེཏྠ མཏཾ མརཎཾ ཝིནཱསོཏི ཨམཏཾ, ནིབྦཱནནྟི ཨཱཧ – ‘‘མརཎཝིརཧིཏཾ ནིབྦཱནཾ པརིབྷུཉྫནྟཱི’’ཏི། ཨམཏསྶ ཝཱ ནིབྦཱནསྶ ཨདྷིགམཧེཏུཏཱཡ ཨམཏསདིསཨཏཔྤཀསུཁཔཏིཏཏཱཡ ཙ ཀཱཡགཏཱསཏི ‘‘ཨམཏ’’ནྟི ཝུཏྟཱ། པརིབྷུཉྫནྟཱིཏི ཛྷཱནསམཱཔཛྫནེན ཝལ༹ཉྫནྟི། ཝིརདྡྷནྟི ཨནདྷིགམེན ཝིརཛ྄ཛྷིཏཾ། ཏེནཱཧ – ‘‘ཝིརཱདྷིཏཾ ནཱདྷིགཏ’’ནྟི། ཨཱརདྡྷནྟི སཱདྷིཏཾ ནིཔྥཱདིཏཾ། ཏཉྩ པརིཔུཎྞཾ ནཱམ ཧོཏཱིཏི ཨཱཧ – ‘‘ཨཱརདྡྷནྟི པརིཔུཎྞ’’ནྟི། པམཱདིཾསཱུཏི ཀཱལབྱཏྟཡེནེདཾ ཝུཏྟནྟི ཨཱཧ – ‘‘པམཛྫནྟཱི’’ཏི།
600-611. Natthi ettha mataṃ maraṇaṃ vināsoti amataṃ, nibbānanti āha – ‘‘maraṇavirahitaṃ nibbānaṃ paribhuñjantī’’ti. Amatassa vā nibbānassa adhigamahetutāya amatasadisaatappakasukhapatitatāya ca kāyagatāsati ‘‘amata’’nti vuttā. Paribhuñjantīti jhānasamāpajjanena vaḷañjanti. Viraddhanti anadhigamena virajjhitaṃ. Tenāha – ‘‘virādhitaṃ nādhigata’’nti. Āraddhanti sādhitaṃ nipphāditaṃ. Tañca paripuṇṇaṃ nāma hotīti āha – ‘‘āraddhanti paripuṇṇa’’nti. Pamādiṃsūti kālabyattayenedaṃ vuttanti āha – ‘‘pamajjantī’’ti.
ཨམཏཝགྒཝཎྞནཱ ནིཊྛིཏཱ།
Amatavaggavaṇṇanā niṭṭhitā.
ཨིཏི མནོརཐཔཱུརཎིཡཱ ཨངྒུཏྟརནིཀཱཡ-ཨཊྛཀཐཱཡ
Iti manorathapūraṇiyā aṅguttaranikāya-aṭṭhakathāya
ཨེཀཀནིཔཱཏཝཎྞནཱཡ ཨནུཏྟཱནཏྠདཱིཔནཱ སམཏྟཱ།
Ekakanipātavaṇṇanāya anuttānatthadīpanā samattā.
པཋམོ བྷཱགོ ནིཊྛིཏོ།
Paṭhamo bhāgo niṭṭhito.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢༠. ཨམཏཝགྒོ • 20. Amatavaggo
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢༠. ཨམཏཝགྒཝཎྞནཱ • 20. Amatavaggavaṇṇanā
