| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
២០. អមតវគ្គវណ្ណនា
20. Amatavaggavaṇṇanā
៦០០-៦១១. អមតំ តេ, ភិក្ខវេ, ន បរិភុញ្ជន្តីតិ មរណវិរហិតំ និព្ពានំ ន បរិភុញ្ជន្តីតិ អត្ថោ។ ននុ ច និព្ពានំ លោកុត្តរំ, កាយគតាសតិ លោកិយា, កថំ តំ បរិភុញ្ជន្តា អមតំ បរិភុញ្ជន្តីតិ? តំ ភាវេត្វា អធិគន្តព្ពតោ។ កាយគតញ្ហិ សតិំ ភាវេន្តោ អមតមធិគច្ឆតិ, អភាវេន្តោ នាធិគច្ឆតិ។ តស្មា ឯវំ វុត្តំ។ ឯតេនុបាយេន សព្ពត្ថ អត្ថោ វេទិតព្ពោ។ អបិ ចេត្ថ វិរទ្ធន្តិ វិរាធិតំ នាធិគតំ។ អារទ្ធន្តិ បរិបុណ្ណំ។ បមាទិំសូតិ បមជ្ជន្តិ។ បមុដ្ឋន្តិ សម្មុដ្ឋំ វិស្សរិតំ នដ្ឋំ វា។ អាសេវិតន្តិ អាទិតោ សេវិតំ។ ភាវិតន្តិ វឌ្ឍិតំ។ ពហុលីកតន្តិ បុនប្បុនំ កតំ។ អនភិញ្ញាតន្តិ ញាតអភិញ្ញាយ អជានិតំ។ អបរិញ្ញាតន្តិ ញាតបរិញ្ញាវសេនេវ អបរិញ្ញាតំ។ អសច្ឆិកតន្តិ អបច្ចក្ខកតំ។ សេសំ សព្ពត្ថ ឧត្តានត្ថមេវាតិ។
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
អមតវគ្គវណ្ណនា។
Amatavaggavaṇṇanā.
មនោរថបូរណិយា អង្គុត្តរនិកាយ-អដ្ឋកថាយ សហស្សសុត្តន្តបរិមាណស្ស
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
ឯកកនិបាតស្ស សំវណ្ណនា និដ្ឋិតា។
Ekakanipātassa saṃvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ២០. អមតវគ្គោ • 20. Amatavaggo
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ២០. អមតវគ្គវណ្ណនា • 20. Amatavaggavaṇṇanā
