| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૨૦. અમતવગ્ગવણ્ણના
20. Amatavaggavaṇṇanā
૬૦૦-૬૧૧. નત્થિ એત્થ મતં મરણં વિનાસોતિ અમતં, નિબ્બાનન્તિ આહ – ‘‘મરણવિરહિતં નિબ્બાનં પરિભુઞ્જન્તી’’તિ. અમતસ્સ વા નિબ્બાનસ્સ અધિગમહેતુતાય અમતસદિસઅતપ્પકસુખપતિતતાય ચ કાયગતાસતિ ‘‘અમત’’ન્તિ વુત્તા. પરિભુઞ્જન્તીતિ ઝાનસમાપજ્જનેન વળઞ્જન્તિ. વિરદ્ધન્તિ અનધિગમેન વિરજ્ઝિતં. તેનાહ – ‘‘વિરાધિતં નાધિગત’’ન્તિ. આરદ્ધન્તિ સાધિતં નિપ્ફાદિતં. તઞ્ચ પરિપુણ્ણં નામ હોતીતિ આહ – ‘‘આરદ્ધન્તિ પરિપુણ્ણ’’ન્તિ. પમાદિંસૂતિ કાલબ્યત્તયેનેદં વુત્તન્તિ આહ – ‘‘પમજ્જન્તી’’તિ.
600-611. Natthi ettha mataṃ maraṇaṃ vināsoti amataṃ, nibbānanti āha – ‘‘maraṇavirahitaṃ nibbānaṃ paribhuñjantī’’ti. Amatassa vā nibbānassa adhigamahetutāya amatasadisaatappakasukhapatitatāya ca kāyagatāsati ‘‘amata’’nti vuttā. Paribhuñjantīti jhānasamāpajjanena vaḷañjanti. Viraddhanti anadhigamena virajjhitaṃ. Tenāha – ‘‘virādhitaṃ nādhigata’’nti. Āraddhanti sādhitaṃ nipphāditaṃ. Tañca paripuṇṇaṃ nāma hotīti āha – ‘‘āraddhanti paripuṇṇa’’nti. Pamādiṃsūti kālabyattayenedaṃ vuttanti āha – ‘‘pamajjantī’’ti.
અમતવગ્ગવણ્ણના નિટ્ઠિતા.
Amatavaggavaṇṇanā niṭṭhitā.
ઇતિ મનોરથપૂરણિયા અઙ્ગુત્તરનિકાય-અટ્ઠકથાય
Iti manorathapūraṇiyā aṅguttaranikāya-aṭṭhakathāya
એકકનિપાતવણ્ણનાય અનુત્તાનત્થદીપના સમત્તા.
Ekakanipātavaṇṇanāya anuttānatthadīpanā samattā.
પઠમો ભાગો નિટ્ઠિતો.
Paṭhamo bhāgo niṭṭhito.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૨૦. અમતવગ્ગો • 20. Amatavaggo
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૨૦. અમતવગ્ગવણ્ણના • 20. Amatavaggavaṇṇanā
