| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૨૦. અમતવગ્ગવણ્ણના
20. Amatavaggavaṇṇanā
૬૦૦-૬૧૧. અમતં તે, ભિક્ખવે, ન પરિભુઞ્જન્તીતિ મરણવિરહિતં નિબ્બાનં ન પરિભુઞ્જન્તીતિ અત્થો. નનુ ચ નિબ્બાનં લોકુત્તરં, કાયગતાસતિ લોકિયા, કથં તં પરિભુઞ્જન્તા અમતં પરિભુઞ્જન્તીતિ? તં ભાવેત્વા અધિગન્તબ્બતો. કાયગતઞ્હિ સતિં ભાવેન્તો અમતમધિગચ્છતિ, અભાવેન્તો નાધિગચ્છતિ. તસ્મા એવં વુત્તં. એતેનુપાયેન સબ્બત્થ અત્થો વેદિતબ્બો. અપિ ચેત્થ વિરદ્ધન્તિ વિરાધિતં નાધિગતં. આરદ્ધન્તિ પરિપુણ્ણં. પમાદિંસૂતિ પમજ્જન્તિ. પમુટ્ઠન્તિ સમ્મુટ્ઠં વિસ્સરિતં નટ્ઠં વા. આસેવિતન્તિ આદિતો સેવિતં. ભાવિતન્તિ વડ્ઢિતં. બહુલીકતન્તિ પુનપ્પુનં કતં. અનભિઞ્ઞાતન્તિ ઞાતઅભિઞ્ઞાય અજાનિતં. અપરિઞ્ઞાતન્તિ ઞાતપરિઞ્ઞાવસેનેવ અપરિઞ્ઞાતં. અસચ્છિકતન્તિ અપચ્ચક્ખકતં. સેસં સબ્બત્થ ઉત્તાનત્થમેવાતિ.
600-611.Amataṃte, bhikkhave, na paribhuñjantīti maraṇavirahitaṃ nibbānaṃ na paribhuñjantīti attho. Nanu ca nibbānaṃ lokuttaraṃ, kāyagatāsati lokiyā, kathaṃ taṃ paribhuñjantā amataṃ paribhuñjantīti? Taṃ bhāvetvā adhigantabbato. Kāyagatañhi satiṃ bhāvento amatamadhigacchati, abhāvento nādhigacchati. Tasmā evaṃ vuttaṃ. Etenupāyena sabbattha attho veditabbo. Api cettha viraddhanti virādhitaṃ nādhigataṃ. Āraddhanti paripuṇṇaṃ. Pamādiṃsūti pamajjanti. Pamuṭṭhanti sammuṭṭhaṃ vissaritaṃ naṭṭhaṃ vā. Āsevitanti ādito sevitaṃ. Bhāvitanti vaḍḍhitaṃ. Bahulīkatanti punappunaṃ kataṃ. Anabhiññātanti ñātaabhiññāya ajānitaṃ. Apariññātanti ñātapariññāvaseneva apariññātaṃ. Asacchikatanti apaccakkhakataṃ. Sesaṃ sabbattha uttānatthamevāti.
અમતવગ્ગવણ્ણના.
Amatavaggavaṇṇanā.
મનોરથપૂરણિયા અઙ્ગુત્તરનિકાય-અટ્ઠકથાય સહસ્સસુત્તન્તપરિમાણસ્સ
Manorathapūraṇiyā aṅguttaranikāya-aṭṭhakathāya sahassasuttantaparimāṇassa
એકકનિપાતસ્સ સંવણ્ણના નિટ્ઠિતા.
Ekakanipātassa saṃvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૨૦. અમતવગ્ગો • 20. Amatavaggo
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૨૦. અમતવગ્ગવણ્ણના • 20. Amatavaggavaṇṇanā
